Мааданбеков, Эсенбек

Wikipedia дан
Jump to navigation Jump to search
Мааданбеков Эсенбек

Мааданбеков Эсенбек (13.3.1952 ж. т., Нарын району, Кум-Бел айылы) — обончу, композитор, журналист. Кыргыз Республикасынын искусствого эмгек сиңирген ишмери (1994).
1978-ж. Кыргыз мамлекеттик искусство институтунун композиторлук бөлүмүн бүткөн.
1967— 70-ж. Нарын музыкалык драма театрында музыкант, 1978—87-ж. музыкалык бөлүмүнүн башчысы. Театрдын көптөгөн спектаклдерине музка жазып, музыкалык жасалгаларын жасаган.
1987-жылдан Кыргыз улуттук телерадио компаниясынын музыкалык редакциясында редактор, бөлүм башчы.
15 жашында "Нарыным", "Күкүгүм" аттуу ырларын жараткан (сөзү өзүнүкү). 16 жашында "Балама" аттуу ырын чыгарган.
Белгилүү обондору: "Табаар белем", "Жаштар маршы", "Эскерүү", "Таң чолпонум", "Толгонуу", "Таптым сени", "Бийге чакыруу" жана башка 80дей чыгармасы кыргыз радиосунун алтын фондусуна жазылган.
Т. Абдумомуновдун "Жарыктык карыларым", Ч. Айтматовдун "Эрте жаздагы турналар", Б. Өмүралиевдин "Жолчубектин көпүрөсү" жана башка спектаклдерге, А. Айтикеевдин "Бийик жээк", "Жашоо үчүн дем алуу керек" документ фильмдерине музыка жазган. Көптөгөн аспаптар үчүн көлөмдүү чыгармалардын, ошондой эле оркестр үчүн марштардын жана бийлердин автору. Симфониялык поэмасы бар. 1988-ж. "Таң чолпонум" аттуу ноталуу ыр жыйнагы жарык көргөн.

Интернеттеги шилтемелер[оңдоо | булагын оңдоо]

Эсенбек МААДАНБЕКОВ "Өжөр талант ийгиликке жетет, өнөрдүн сырын чечет"
ЭСЕНБЕКТИН ЭСТЕН ЧЫККЫС ЫРЛАРЫ

Адабият[оңдоо | булагын оңдоо]

  • Нарын облусу: Энциклопедия / Башкы редактору А.Карыпкулов; Ред. Кеңештин төрагасы академик Үсөн Асанов. – Бишкек: Кыргыз Энциклопедиясынын Башкы редакциясы, 1998. – 420 бет, илл. - ISBN 5-89750-100-9.