Магнит-стрикциялык өзгөрткүчтөр
Магнит-стрикциялык өзгөрткүчтөр – иштөөсү магнит-стрикциялык эффектиге негизделген электр-механикалык же электр-акустикалык өзгөрткүч. Ал магнит-стрикциялык материалдан жасалган өзөкчөгө оролгон оромодон турат.
Магнит-стрикциялык өзгөрткүчтөрдө нурланткычта өзөкчөдөгү оромо аркылуу өзгөрмө электр тогу өткөндө пайда болгон өзгөрмө магнит талаасынын энергиясы өзөкчөнүн механикалык термелүүсүнүн энергиясына өтөт. Магнит-стрикциялык өзгөрткүчтөр-кабыл алгычта тышкы өзгөрмөлүү күчтүн таасири астында пайда болгон өзөкчөнүн механикалык термелүүсүнүн энергиясы оромодогу ЭККүн пайда кылуучу магнит талаасынын энергиясына өтөт.
Магнит-стрикциялык өзгөрткүчтөр гидроакустикада, ультраүн технологиясында, акустикалык электроникада үндү нурлантуучу жана кабыл алуучу чыпка, резонатор ж. б. катары колдонулат. Аталган учурларда Магнит-стрикциялык өзгөрткүчтөрдүн материалы болуп металл магнит-стрикциялык материал жана карапа феррит колдонулат.
Колдонулган адабияттар
[түзөтүү | булагын түзөтүү]- Мамлекеттик тил жана энциклопедия борбору. Физика. Энциклопедиялык окуу куралы. 2004 Бишкек. ISBN 9967-14-010-0