Майда мөмөлүү дорема
Майда мөмөлүү дорема (лат. Dorema microcarpum, Korov) - Бийиктиги 1-1,5 м ге чейин жеткен, өзөк тамырлуу, монокарптуу, жалгыз сабактуу көп жылдык чөп өсүмдүк. Тамыр моюнчасындагы жалбырактарынын жалпы көрүнүшү жазы үч бурчтуктай, узундугу 15-30 см, үч, төрт ирет үчүлүк тилкелүү, жумуртка сымал же созулуңку- ланцеттей. Сабактагы жалбырактары өтө кичине. Чатырчалары кыска, узундугу 3-10 мм келген түксүз саптуу, ороочтору жок же өтө майда 2-3 жалбыракчалуу. Желекчелери сары. Мөмөлүгү түксүз, чөйчөкчө сымал, четине кеңейген мамычалуу. Мөмөсү түксүз, узундугу 4-7 мм, туурасы 3-4 мм, көрүнүшү жумуру же созулуңку, капталынан өтө жапырылган, ичке канат сымал кырдуу.
Биологиялык өзгөчөлүктөрү[түзөтүү | булагын түзөтүү]
Май-июнда гүлдөп, июнң-июлда мөмөлөйт. Уругу аркылуу көбөйөт.
Жалпы жана өлкөдө таралышы[түзөтүү | булагын түзөтүү]
Чаткал, Фергана жана Алай тоо кыркаларынын Фергана өрөөнүнө караган беттери.
Өсүү шарттары[түзөтүү | булагын түзөтүү]
Ачылган гипстүү жана чополуу жерлер, шагыл-таштуу жана таштуу беттер, конгломераттар, агын суулардын кургак, тик ылдый беттери, шифердей сланецтердеги эмефоиддүү жана ар түрдүү чөптүү, гипсти сүйүүчү өсүмдүктөрдүн жана ксерофит бадалдардын арасында деңиз деңгээлинен 700-1800 м бийиктиктерде өсөт.
Саны[түзөтүү | булагын түзөтүү]
Өтө аз санда, жалгыз түптөн учурайт. Түр жоголуу коркунучунун алдында турат.
Чектөөчү факторлор[түзөтүү | булагын түзөтүү]
Антропогендик таасирлер.
Өстүрүү[түзөтүү | булагын түзөтүү]
Маалымат жок.
Уюштурулган коргоо аракеттери[түзөтүү | булагын түзөтүү]
Маалымат жок.
Коргоо үчүн зарыл аракеттер[түзөтүү | булагын түзөтүү]
Санын тактап, атайлап өстүрүү зарыл.
Статусу[түзөтүү | булагын түзөтүү]
V U . Сейрек кездешкен эндем түр.
Колдонулган адабияттар[түзөтүү | булагын түзөтүү]
- Кыргыз Республикасынын Кызыл китеби 2-басылышы – Бишкек: 2006. – 544 б. – ISBN 9967-23-367-2