Маьариж сүрөсү

• 70-сүрө

Маариж сүрөсү

• Меккеде түшүрүлгөн. Кырк төрт айаттан турат.
• Кыргызча котормо мааниси
• Мээримдүү, Ырайымдуу Алланын аты менен!
• 1. Суроо берүүчү[2] сөзсүз болуучу жазанын[3] келүүсүн сурап жатты.
• 2. Ал[4] каапырлар үчүн сөзсүз болот. Эч ким аны токтото албайт.
• 3. Ал[5] бардык тепкичтердин Ээси[6] болгон Алла тараптан.
• 4. Периштелер менен Рух[7] Аллага ошол өлчөмү элүү миң жыл болгон Күндө Аллага көтөрүлүшөт.
• 5. Эң мыкты сабыр кылып, чыдамкай бол.
• 6. Албетте, аны[8] алыс деп ойлошот.
• 7. Биз аны жакын деп билебиз[9].
• 8. Ал күнү асман ээритилген жездей болот.
• 9. Тоолор жүн сымал болот.
• 10. Ал кезде жакын[10] жакынынын абалын сурабай калат.
• 11. Алар[11] бири-бирине көрсөтүлүшөт. Ошол Күнү каапыр азаптан улам балдарын деле төлөп жиберүүгө ниеттенип калат.
• 12. Айалын жана бир тууганын деле[12]…
• 13. Аны коргоп жүргөн тууганын да…
• 14. Жердегилердин[13] баарын (берип), анан[14] кутулгусу[15] келет.
• 15. Жок![16] Бул – абдан ысык (от!)
• 16. Анын баш терисин шылып салат.
• 17. Ага терс бурулуп, чегинген[17] адамды да өзүнө чакырат.
• 18. Байлык топтоп, казыналарга каткан эле…
• 19. Чындыгында инсан сабырсыз жаратылган
• 20. Эгер ага жамандык келсе айабай тынчы кетет.
• 21. Байлык келсе сараң болуп калат.
• 22. Намаз окугандар гана андай эмес;
• 23. Алар ар дайым намаздарында болушат;[18]
• 24. Жана алардын байлыктарында белгилүү үлүш бар:[19]
• 25. Тилемчи менен колунда жокторго[20].
• 26. Кыйамат Күнүнө ишенгендерге,..
• 27. Эгесинин жазасынан корккондорго,..
• 28. Анткени Алланын жазасынан эч ким качып кутула албайт.
• 29. өз денесин сактагандарга[21]
• 30. Бирок өздөрүнүн айалдары, же күңдөрү менен чектелгендер[22] күнөөлүү эмес.
• 31. Кимде-ким мындан башканы талап кылса, анда алар чектен ашуучулар.
• 32. Аманаттарын жана убадаларын сактагандар;
• 33. Берген күбөлүктөрүндө так болгондор;
• 34. Намаздарын өз убагында окугандар;
• 35. Мына ушулар Бейиш бакчаларында сый көрүшөт.
• 36. Каапырларга эмне болгон, сен тарапка тигилишет?..
• 37. Оңдон да, солдон да жамаат-жамаат (болушуп),
• 38. Алардан ар бир адам Бейишке кирүүнү үмүт кылып жатышабы?
• 39. Бирок. Жок! Биз аларды кантип жаратканыбызды билишет.
• 40. Чыгыштар менен Батыштардын Эгесине ант болсун! Чындыгында Биз кудуреттүүбүз:
• 41. Аларды мыктыраагына алмаштырып койууга алсыз эмеспиз. Жана Бизден эч ким озуп кете албайт.
• 42. Аларга убада кылынган Күн келгенче пайдасыз сөздөргө батып, ойноп жүрө беришсин..
• 43. Алар мүрзөлөрүнөн[23] чыккан Күнү шашкалактап чуркап калышат.
• 44. Алардын[24] көздөрү төмөн карап, кордук ороп алат. Аларга убада кылынган Күн дал ошондой (оор!).