Мирабилит

Мирабилит (латынча mirabilis – таң каларлык) – глаубер тузу (немец химиги И. Р. Глаубердин атынан) – сульфаттар классына кирүүчү минерал. Химиялык формуласы Na₂[SO₄]H₂O. Катуулугу 1,5–2,0. Салыштырма салмагы 2,66. Сууда жакшы эрийт. Даамы ачуу, туздуу. Кургакчылыкта суусу бууланып кетип, ак упадай күкүмгө айланат (тенардит – Na₂SO₄). Туздуу көлдөрдө, ысык булактарда хемогендик жол менен пайда болот. Сода, жегич натрий өндүрүлөт. Айнек жасоодо, боёк даярдоодо, медицинада колдонулат.

Колдонулган адабияттар

• “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111 -7