Молекулалык кристаллдар
Молекулалык кристаллдар – бири бири менен начар Ван-дер-Ваальс күчтөрү же суутек байланышы менен байланышкан молекулалардан түзүлгөн кристаллдар.
Молекулалык кристаллдардын фазалык айлануулары: эрүү, катуу заттын бууга айланып кайрадан катуу затка өтүшү, полиморфтук өтүүлөр. CO2 түрүндөгү бинардык бирикмелер металл-органикалык бирикмелерди жана кээ бир комплекстүү бирикмелерди пайда кылат. Молекулалык кристаллдарга көптөгөн полимер кристаллдары, анын ичинде ак заттардын жана нуклеин кычкылдыктарынын кристаллдары кирет. Молекулалык кристаллдар төмөнкү температурада эрийт (–150–350°С), жылуулуктан кеңейет, кысылат, катуулугу анча эмес. Кадимки температурада көптөгөн Молекулалык кристаллдар–диэлектриктер, кээ бир Молекулалык кристаллдар (мис., органикалык боёктор) – жарым өткөргүчтөр.
Колдонулган адабияттар
[түзөтүү | булагын түзөтүү]- Мамлекеттик тил жана энциклопедия борбору. Физика. Энциклопедиялык окуу куралы. 2004 Бишкек. ISBN 9967-14-010-0