Муддассир сүрөсү

Википедия дан
Jump to navigation Jump to search
  • 74-сүрө

Муддасир сүрөсү[оңдоо | булагын оңдоо]

  • Меккеде түшүрүлгөн. Элүү алты айаттан турат.
  • Кыргызча котормо мааниси
  • Мээримдүү, Ырайымдуу Алланын аты менен!
  • 1. Эй, кийимине оронуп алган!
  • 2. Тур да, эскерткин[2]!
  • 3. Жараткан Эгеңди даңкта!
  • 4. Кийимиңди таза тут!
  • 5. Ыпластыктан кач[3]!
  • 6. Кылган жакшылыгыңды көп деп эсептебе[4].
  • 7. Эгең үчүн сабырдуу бол!
  • 8. Кайсыл Күнү сурнай тартылса,
  • 9. Ал абдан оор Күн[5] (болот)!
  • 10. Каапырлар үчүн оор Күн.
  • 11. Кимди Мен жалгыз кылып жараткан болсом[6], аны жалгыз Мага кой.
  • 12. Ага Мен кенен байлык бергем
  • 13. жана күбө болуучу балдарды (бердим).
  • 14. Турмуштагы жолун шыдыр кылып койдум.
  • 15. Ал дагы көбүрөөк берүүмдү үмүттөнөт[7].
  • 16. Жок! Ал Биздин айаттарга өтө каршы.
  • 17. Мен аны машакатка дуушар кылам[8]!
  • 18. Анткени ал ойлонду да, өзүнчө таразалады.
  • 19. Ал, жок болгур, кандай өлчөө жасады!
  • 20. Ал, жок болгур, дагы кандай өлчөө жасады!
  • 21. Анан карады[9].
  • 22. Анан кабагын түйүп, кашын үйрүдү.
  • 23. Анан тескери бурулуп, текеберленди.
  • 24. Анан айтты: «Бул[10]– жазылып калган бир сыйкырчылык;
  • 25. Бул – болгону адамзаттын сөзү», –деп.
  • 26. Сакарда[11] мен аны өрттөп салам!
  • 27. Сен «Сакар» эмне экенин билесиңби?
  • 28. Ал калтырбайт, таштап да салбайт[12].
  • 29. Ал адам терисин куйкалап салат.
  • 30. Анын үстүндө он тогуз күзөтчү[13] (бар).
  • 31. Биз Тозокту башкарууга периштелерди гана койгонбуз жана ыймансыз каапырларды сыноо, китеп ээлерин[14] ынандыруу, ыймандуулардын ыйманын күчөтүү үчүн ал жерге ээлик кылган периштелердин санын так аныктап[15] койдук. Андан[16] китеп ээлери да, ыймандуулар да шек санабасы, жүрөгүндө ооруу барлар жана ыймансыздар «Алла муну менен бизге эмнени каалайт?» – деши үчүн (ушинттик). Алла кимди кааласа ошентип жаңылыш жолго салып, кимди кааласа түз жолго багыттайт. Эгеңдин аскерлерин[17] бир гана өзү билет. Бул, Тозок оту – адамдар үчүн эскертүү.
  • 32. Албетте, Айга ант!
  • 33. өтүп бараткан түнгө ант!
  • 34.Агарып келе жаткан таңга ант!
  • 35. Бул – эң чоң балээлеримдин[18] бири.
  • 36. Адамзат үчүн эскертме катары:
  • 37. Силерден ким жакшылыкка умтулса ага да, ким артта калса ага да эскертүү.
  • 38. Ар бир жан өзү кылган иштин[19] барымтасында калат.
  • 39. Оң кол ээлеринен башкалары,
  • 40. Бейиште бири-биринен сурашат.
  • 41. Күнөөкөрлөр жөнүндө:
  • 42. «Силерди (бул) Сакарга эмне[20] алып келди?» (–дешет).
  • 43.Алар жооп беришет: «Биз намаз окугандардан эмес элек»,
  • 44. «Бей-бечараларга да тамак бербедик».
  • 45. «Биз пайдасыз бузукулукка баткандар менен бирге баткан элек»,
  • 46. «Кыйамат Күнүн жалган дегенбиз»
  • 47. «бизге өлүм келгенге чейин», – (деп айтышат).
  • 48. Бул жерде аларга колдоочуларынын колдоосу да жардам бербейт.
  • 49. Аларга эмне болгон: Эскертүүдөн жүз бурушат.
  • 50. Алар жапайы эшектер сымал,
  • 51. арстандан качкан…
  • 52. Чындыгында, алардын ар бири өздөрүнө гана баракча[21] түшүшүн каалашат.
  • 53. Жок! Алар Акыреттен[22] коркушпайт.
  • 54. Ооба! Бул[23] чындыгында эле эскертүү.
  • 55. Ким укса андан насаат алсын.
  • 56. Бирок Алла каалабаса, алардын[24] бири да насаат ала албайт. Алла гана коркууга[25] жана кечирим берүүгө татыктуу.