Наба сүрөсү

• Отузунчу бөлүм
• 78-сүрө

Набаа сүрөсү

• Меккеде түшүрүлгөн. Кырк айаттан турат.
• Кыргызча котормо мааниси
• Мээримдүү, Ырайымдуу Алланын аты менен!
• 1. Алар бири-биринен эмне жөнүндө сурашат?
• 2. Улуу кабар жөнүндө[2]…
• 3. Алар ал тууралуу түрдүү талаш-тартышта.
• 4. Оо жок! Алар жакында билишет.
• 5. Дагы да бир ирет,жок! Алар жакында билишет!
• 6. Биз жерди төшөп койдук.
• 7. Тоолорду казык кылдык.
• 8. Силерди жуп кылып жараттык.
• 9. Уйкуңарды эс алуу үчүн жасадык.
• 10. Түндү жамынчы кылдык.
• 11. Тиричилик үчүн күндүздү жараттык.
• 12. Силердин үстүңөргө жети кабат бекем асманды куруп койдук.
• 13. Жаркыраган чырак[3] жасадык.
• 14. Булуттардан нөшөрлөгөн жаан жаадырдык,
• 15. дан, өсүмдүктөрдү чыгаруубуз үчүн,
• 16. чырмалышкан дарактарды да (өстүрүү үчүн).
• 17. Акыйкатта ажыратуучу күн[4] белгиленген убакыт эле.
• 18. Сурнай тартылган күнү силер топ-топ болуп келесиңер.
• 19. Ошондо (асман) ачылып, каалгаларга айланат.
• 20. Тоолор ордунан жылдырылып закым[5] болот.
• 21. Акыйкатта тозок көз тутуучу болот.
• 22. (Ал) чектен ашкандар үчүн бара турган жай.
• 23. Алар анда түбөлүккө калышат.
• 24. Алар анда салкынды да, эч кандай суусундук да тата алышпайт,
• 25. кайнаган ысык суу менен ириңден башка.
• 26. (Бул алар үчүн) татыктуу жаза.
• 27. Акыйкатта алар эсеп-кысапты күтүшкөн эмес эле.
• 28.Биздин айаттарыбызды чындап жалганга чыгарышкан.
• 29. Биз баарысын эсептеп, жазып койгонбуз.
• 30. Таткыла! Биз силерге тозоктогу азапты улам күчөтө беребиз.
• 31. Албетте, такыбалар үчүн ийгилик орун,
• 32. Бак-дарактар жана жүзүмзарлар,
• 33. Бирдей курактагы үр[6] кыздар,
• 34. Жана да толтура идиштер (бар).
• 35. Алар анда пайдасыз жана жалган сөздөрдү угушпайт.
• 36. Бул сенин Эгең тарабынан аларга берилген мол сыйлык.
• 37. Асман менен Жердин жана ал экөөсүнүн ортосундагылардын Эгеси,Мээримдүү. Ошондо алар Ага[7] кайрылып сүйлөй алышпайт.
• 38. Ошол күндө Рух[8] жана (башка) периштелер топ-тобу менен тизилип турушат жана Мээримдүү[9] тарабынан уруксат берилген гана сүйлөй алат, ошондо да чындыкты гана айта алат.
• 39. Бул – чындык Күн. Ким кааласа, Эгесине, бара турган ордуна кайтат.
• 40. Акыйкатта Биз силерди жакында болуучу азаптар тууралуу эскерткенбиз! Ошол Күнү ар бир адам өз колу менен жасаганын көрөт. Ал эми каапыр: «Аттиң, топурак болуп кетсемчи!»- деп айтат.