Назиат сүрөсү

• 79-сүрө

Наазиат [1] Жандарды сууруп алуучу периштелер

• Меккеде түшүрүлгөн. Кырк алты айаттан турат
• Кыргызча котормо мааниси
• Мээримдүү, Ырайымдуу Алланын аты менен!
• 1.       (Каапырлардын жанын) катуу сууруп алуучуларга[2] ант!
• 2.       (Момундардын жанын) жумшак алуучуларга[3] ант!
• 3.       Буйрукту тез аткарууга (түшкөн периштелерге) ант!
• 4.       (Момундардын жандарын бейишке) шашылыш алып баруучу (периштелерге) ант!
• 5.       (Дүйнө иштерин ) теске салуучу (периштелерге) ант!
• 6.       Тигил күнү силкинүүчү (жер) силкинет.[4]
• 7.       Аны эрчүүчү ээрчийт[5].
• 8.       Жүрөктөр ошол күнү коркушат.
• 9.       Көз караштары кейиштүү,
• 10. Изибизге кайтар бекенбиз?! – деп айтышат.[6]
• 11. Сөөктөрүбүз сөпөт болуп кетсе делеби?!
• 12. Оо, андай болсо бул кайтуу зыйандуу го?! – дешкен.
• 13. Албетте, ал[7] бир эле үн[8].
• 14. Ошол эле замат алар[9] бозоргон жер бетинде (болуп калышат).
• 15. Сага Муса[10] жөнүндө кабар жетти беле?
• 16. Ыйык “Туваа” өрөөнүндө ага[11] Эгеси үн салды:
• 17. “Фараонго жөнө! Албетте ал чектен ашты”.
• 18. Анан да (ага): “Сага тазаланууңа үндөйүнбү?!”-деп айткын.
• 19. Сени Эгең тарапка багыттайын. Анан сен коркоорсуң.
• 20. Анан ага (пайгамбарлыктын) улуу белгисин көрсөттү.[12]
• 21. Ошентип (Фараон Мусаны) жалганчы деп, (Аллага) күнөөкөр болду.
• 22. Андан соң артына кетип, (бузуктук менен) жүрүш жасайт.
• 23. (Сыйкырчыларын) жыйнап, жар салды.
• 24. Анан айтты: “Мен силердин улук Эгеңермин”.
• 25. Алла аны “акыркы” жана “биринчи” (айткан сөзү үчүн) жазалады[13]. 
• 26. Албетте мында (Алладан) корккондого үлгү бар.
• 27. Силерди жаратуу кыйынбы, же куруп койгон асманбы?!
• 28. Анын[14] шыбын бийик кылып, (кынтыксыз) тегиз кылды.
• 29. Анын түнүн караңгы кылып, жарыгын да чыгарды.
• 30. Тигинден кийин[15], анан жерди төшөдү.
• 31. Жерден суусун жана жайытын пайда кылды,
• 32. Тоолорду ага[16] бекем орнотту,
• 33. Силер жана силердин малдарыңар пайдалансын үчүн.
• 34. Ошентип улук күн келгенде[17],
• 35. Ошол күнү инсан өткөн жүрүшүн (кылган амалдарын) эсине салат.
• 36. Көргөн адамга тозок оту ачык кылынат.
• 37. Ошондо каапыр инсан,
• 38. (Ал жалган) дүйнөнүн жашоосун тандаган эле.
• 39. (Анын) бара турган жери – албетте тозок оту.
• 40. Ал эми Эгесинин алдында туруудан коркуп, көңүлү каалаган нерселерден өзүн тыйган адам,
• 41. (Анын) бара турган жери – албетте Бейиш.
• 42. Сенден кыяматтын качан болушу жөнүндө сурашат.
• 43. Аны эстөө сенден оолак болгон нерсени[18]
• 44. Сенин Эгеңдин өзүнө гана тиешелүү нерсе (башка эч ким билбейт).
• 45. Албетте, сен андан корккондорду гана эскертүүчүсүң.
• 46. Алар аны[19] көргөн күнү кечке жуук, же эрте менен (бир аз) турган сыйактанышат.
• 1. Жандарды сууруп алуучу периштелер