Нарматова Орозайым Көчкөнбаевна

	Нарматова Орозайым Көчкөнбаевна
Жарандыгы:	Кыргызстан
Туулган жылы:	19 -февраль 1994 (31 жаш)
Туулган жери:	Кыргыз Республикасы, Ош облусу, Өзгөн району, Кара-Дыйкан айылы
Партиясы:	"Мекенчил" (2015-2017-жж.) "Бүтүн Кыргызстан" (2020-2024-жж.)

Нарматова Орозайым Көчкөнбаевна — саясатчы, коомдук ишмер, жеке ишкер, Жогорку Кеңештин VII чакырылышынын депутаты, "Жаштар коому" коомдук бирикмесинин төрайымы, "Эркиндик" маалымат порталынын негиздөөчүсү.

Өмүр баяны жана үй-бүлөсү

Орозайым Нарматова — 1994-жылы 19-февралда Ош облусунун Өзгөн районунун Кара-Дыйкан айылында туулган.

Үй-бүлөдө 3 бир туугандын кичүүсү. Бир агасы (2021 - жылы каза болгон), бир эжеси бар.

Апасы Марапат Акжолова эл агартуу тармагында 30 жылдан ашуун иштеген, коомдук-саясий иштерде активдүү атуул болгон.

Атасы Нарматов Көчкөнбай Жапаров-Ташиев тандеминин активдүү колдоочусу, коомдук иштерде активдүү жаран.

Билими:

2013-жылы — Москвадагы колледжди бухгалтер-экономист адистиги боюнча аяктаган.

2017-жылы — Бекмамат Осмонов атындагы Жалал-Абад мамлекеттик университетинин "Журналистика" адистигин аяктаган.

Эмгек ишмердүүлүгү:

2012-жылы — "Мекенчил Жаш" коомдук бирикмесинин маалымат порталынын Москвадагы кабарчысы;

2013-жылы — Москвадагы "Жаштар коому" коомдук бирикмесинин негиздөөчүсү;

2013-жылы — "Эркиндик" маалымат порталынын негиздөөчүсү жана башкы редактору;

2014-жылы — "Жаштар коому" коомдук бирикмесинин курамында Россиянын "Единая Россия" саясий партиясынын жаштар канаты менен биргеликте достук мамилелердин активисти болгон;

2015-2017-жылы — "Мекенчил" саясий партиясынын теңтөрагасы;

2016-жылы — Орусиядагы "Айымдар" коомдук бирикмесинин теңтөрагасы;

2017-жылы — "Менин укугум бар" жана "Мен макул эмесмин" коомдук кыймылдарынын активисти;

2020-жылы — Жогорку Кеңешке депутаттык шайлоого "Бүтүн Кыргызстан" саясый партиясы менен 8-орунда шайлоого катышып, парламентке өткөн. 6-октябрда башталган элдин нааразычылык толкунунда аталган партия парламентке өткөнүнө карабай, шайлоо одоно мыйзам бузуулар менен өткөнүн белгилеп, жыйынтыгын тааныбай турганын жарыялашкан.

2021-жылы — Жогорку кеңештин VII чакырылышынын депутаты.

2022-жылдын 20-январында Борбордук Шайлоо Комитети Улуттук Коопсуздук Мамлекеттик Комитетинин жана Билим берүү министрлигинин маалыматына таянып, Орозайым Нарматованы депутаттык мандатынан ажыраткан.

2022-жылы Кемпир-Абад суу сактагычын Өзбекстанга өткөрүп берүү стратегиялык жактан калпыс кадам болот деп мындай чечимге каршы чыккан адамдардын катарында болуп, ушул эле жылдын 27-октябрында Москва шаарынан кармалып келинген. Бул иш боюнча Бишкектеги номер биринчи тергөө абагында 3 ай камакта отуруп, ден-соолугунун абалына байланыштуу тергөө абагынан бошотулган.

2020-2024-жылы — "Бүтүн Кыргызстан" саясий партиясынын мүчөсү.

Орозайым Нарматова учурда "Ак-Нур" коомунун негиздөөчүсү, "Serep MEDIA" медиа холдингинин ээси.