Нарын
| Нарын | |||
 | |||
| |||
| Өлкө |
Кыргызстан | ||
|---|---|---|---|
| Облус түрү |
Облус | ||
| Облус |
Нарын облусу | ||
| Район түрү |
Район | ||
| Мэр |
Тутуев Канболот Мусаевич | ||
| Тарыхы жана Географиясы | |||
| Аянты |
40,51 | ||
| Бийиктиктиги |
2020 | ||
| Калкы | |||
| Калкынын саны |
41,781 (2021) | ||
| Жыштыгы |
адам/км2 | ||
| Улуттук курамы |
кыргыздар — 98,5% | ||
| Этнохроним |
Нарындык, Нарындыктар | ||
| Сандык идентификаторлор | |||
| Убакыт аралыгы |
+6 | ||
| Телефон коду |
+996, 3522 (мурдагысы 3145) | ||
| Почта индекси |
722600 | ||
| Автоунаа коду |
05, N | ||
Нарын — Кыргызстандагы шаар. Нарын облусунун жана Нарын районунун административдик борбору.
Калкы — 38 800 адам (2017-жылы)[1]. Шаардын жалпы аянты — 40,5 км².
Тарых[түзөтүү | булагын түзөтүү]
Нарын шаарынын аймагы - тээ байыркы таш доорунан бери эле адамзат жашаган жер. Мында Ала-Тоо археологиялык эстелик жайларында байыркы кишилердин калтырган таш куралдары табылган.
19-кылымда бул аймакта Kокондук чеп курулган.
1868-жылы орусиялык аскерлер Түндүк Кыргызстанды басып алганда, Нарында да атайын аскердик бекемделген жайды негиздешкен. Акырындап ал жай ири кыштакка жана шаарчага айлана берген.
География[түзөтүү | булагын түзөтүү]
Шаар Сыр-Дарыя дарыясына башат болгон Нарын дарыясынын жээгинде жайгашкан. Климаты - континенталдык.
Социалдык-экономикалык абал[түзөтүү | булагын түзөтүү]
Шаарда айыл чарба өнүмдөрүн кайра иштеп чыгуу менен байланышкан бир катар чакан ишканалар (эт комбинаты, сүт комбинаты), электр тармагын тейлөө мекемелери бар.
Нарын шаарындагы «Жамал» торт кондитердик ишканасы 2003-жылы ачылып, иш үч киши менен башталган. Учурда бул ишканада 15 адам иштеп жатат. Жабдыктар Корея жана Орусиядан алынып келинип, таттуу азыктардын 35 түрү европалык жана мурдагы кеңештик технология менен жасалат.
Транспорт[түзөтүү | булагын түзөтүү]
Нарын шаарынын негизги унаа каражаты - автомобиль транспорту. Шаарда автобус, троллейбус жана таксилер жүрүп турат.
Шаардын чыгышында 5 чакырымдай алыстыкта Нарын аба майданы жайгашкан.
Нарын мамлекеттик университет[түзөтүү | булагын түзөтүү]
Шаарда Нарын мамлекеттик университети, Кыргыз Мамлекеттик Юридикалык академиясынын колледжи, Борбордук Азия Университети жана башка да бир катар окуу жайлар, мектептер жайгашкан.
Нарын областтык музыкалык драма театры өлкөдөгү даңазалуу театр чордондорунун бири.
Нарын шаарында таалим алган атактуу кишилер[түзөтүү | булагын түзөтүү]
Нарын шаарында мурдагы өлкө башчылары Аскар Акаев, Роза Отунбаева, эл акыны Эсенгул Ибраев, академик Үсөн Асанов, ж.б. таалим алышкан. Жумамүдүн Шералиев, Муратбек Рыскулбековдор Нарын шаарында жашап, эмгектенишкен
Боордош (шерик) шаарлар жана аймактар[түзөтүү | булагын түзөтүү]
Булактарга шилтемелер[түзөтүү | булагын түзөтүү]
- http://www.azattyk.org/content/kyrgyzstan_naryn_kasiet_mambetkul_kyzy/2270235.html
- http://kyrgyzinfo.ru/tekst/geografiya/naryn.html Archived 2021-06-02 at the Wayback Machine
- ↑ архив көчүрмөсү. Текшерилген күнү 2 -июнь (кулжа) 2021. Түп булактан архивделген күнү 2 -июнь (кулжа) 2021.