Оксидоредуктазалар
Оксидоредуктазалар – окистенүү-калыбына келүү реакциясын катализдөөчү ферменттер классы. Окистенүүчү тобунун мүнөзүнө жараша төмөнкүдөй классчаларга бөлүнөт: спирт, альдегид (же кетон) жана этилен тобуна таасир этүүчүлөр. Оксидоредуктазалар бардык тирүү клеткаларда болуп, аларды энергия менен камсыз кылууда (к. Биологиялык кычкылдануу) маанилүү роль ойнойт. Оксидоредуктазалардын негизги өкүлдөрү окистенүү механизмине жараша: дегидрогеназалар, оксидазалар, пероксидазалар ж. б. болуп айырмаланат. Эки жүздөн ашык оксидоредуктазалар белгилүү.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111 -7