Орозобеков Сулайман
Орозобеков Сулайман (туулган жылы белгисиз – ноябрь, 1920) – Түндүк Кыргызстанда Совет бийлигин орнотуу жана чыңдоо үчүн күрөшүүчү. Нарында Совет бийлиги орногондон (1918, 3-апрель) кийин (к. Нарын участкалык солдаттар жана мусулман депутаттар советинин съезди) атайын комиссиянын төрагалыгына дайындалган. Падыша өкмөтүнүн колониячыл саясатынын калдыктарын жоюуда, Совет бийлигинин душмандарынын каршы аракеттеринин бетин ачууда, Совет бийлигин чыңдоодо чоң эмгек сиңирген. Орозобеков Нарын козголоңун (1920, ноябрь) басууда курман болгон.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111 -7