Отунду кайра иштетүү
Отунду кайра иштетүү – табигый отун сапатын жакшыртуу максатында, ысытып кайра иштетүү. О. к. и. үч түрү бар: пиролиз–отунду абасыз чөйрөдө ысытуу; газдаштыруу-реагенттер таасири аркылуу отунда термохим. процессти жүргүзүү; гидрогенизациялоо – суутек жана катализатор катышуусу менен отунду ысытуу. Алгачкы заттар таш көмүр, күрөң көмүр, жана башка болуп эсептелет. Мисалы, кокстоодо суюк түрүндөгү чайырды көп алуу үчүн битумдуу көмүр пайдаланылат. Процессти ишке ашыруу үчүн көпчүлүк учурда катализатор колдонулат. Процесс нефтиден бензинди, көмүрдөн кокс, газдар, чайырлар, жыгачтан жыгач көмүрүн, уксус кислотасын алууда колдонулат.
Колдонулган адабияттар
[түзөтүү | булагын түзөтүү]- Химия: Энциклопедиялык окуу куралы/Мамлекеттик тил жана энциклопедия борбору, 2004. - 422 б. ISBN 9967-14-021-6