Падыша-Ата (дарыя)

Пача-Ата
Мүнөздөмө
Узундугу	130 км
бассейндин аянты	443 км²
Жайгашкан орду
Өлкө	Кыргызстан
Област	Жалал-Абад облусу
Район	Аксы району

Падыша-Ата – Жалал-Абад облусунун Аксы районунундагы суу. Сырдарыянын оң куймасы. Узундугу 130 км, алабынын аянты 443 км². Чаткал тоо кыркасынын түндүк капталынан (Чанач ашуусуна жакын) башталат. Башкы агымында Кийик-сай аталып, кууш өрөөн аркылуу агат. Нанай кыштагынан кенен Кара бала өрөөнүнө чыгат. Төмөнкү агымында Үңкүрдөбө тоосун кесип өтүп, салааларга бөлүнөт. Заркен кыштагынан Намансансай аталып, Сырдарыяга оң жактан куят. Жылдык орточо чыгымы 6,12 м³/сек. Апрелде киребаштап, сентябрда тартылат. Негизинен кар жана булак сууларынан куралат. Сугатка пайдаланылат. Өрөөнүндө Кашка-суу, Эскабат, Бешкаран, Жаңыкоргон, Зоркен жана башка кыштак жайгашкан.

Колдонулган адабияттар

• Мамлекеттик тил жана энциклопедия борбору. Кыргызстандын географиясы ISBN 9967-14-006-2
• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9