Плазма фокусу
Плазма фокусу – нейтрондордун жана нурлануунун топтолгон булагы болгон жогорку температуралуу дейтерий плазмасынын туруксуз тыгыз коюулануусу.
Плазма фокусу газ-разрядынын камерасынын Z огунда – пинч цилиндрлүү эмес кысылуусу токтун токтошунан пайда болот. Пинч – эффектиде плазма мамычасынын түзүлүшү, ысышы жана жылуулуктан бөлүнүшү токтун плазма аркылуу алынышынын жана анын өздүк магнит талаасынын эсебинен болот. Плазма фокусунун зонасында болуучу физикалык процесс-тер татаал жана ар түрдүү. Плазма фокусунун орнотмолору бир катар илимий техникалык маселелерди, мис., башкарылуучу термоядролук синтез үчүн материал таануу жана бланкет сыноолорун; аз убакытка жашоочу изотоптордун импульстуу активдүү анализин; нейтрон терапиясын; лазер чөйрөсүндөгү шыкоону; жогорку тартиптеги иондордун физикасын үйрөнүүнү, плазма менен кубаттуу нурлардын өз ара аракеттешүүсүн ж. б. чечүүдө нейтрондор менен нурлантуунун булагы катары плазма изилдөөлөрүндө колдонулат.
Колдонулган адабияттар
[түзөтүү | булагын түзөтүү]- Мамлекеттик тил жана энциклопедия борбору. Физика. Энциклопедиялык окуу куралы. 2004 Бишкек. ISBN 9967-14-010-0