Радиотелеметрия
Радиотелеметрия (радио... жана грекче tele – алыс, metreo – өлчөө) – радио байланыш каналы боюнча берүүнүн жыйынтыгы менен телеөлчөө. Радиотелеметрия аппаратурасы изилденүүчү же көнүгүүчү организмдин денесине бекитилген электроддон же бергичтен (датчиктен), радио бергич түзүлүштөн жана регистраторлуу (каттагычтуу) радио кабыл алгыч түзүлүштөн турат. Берүүсүнүн алыстыгы бир нече лгден бир нече кмте жетет. Радиотелеметрия биологияда жана медицинада ар кандай параметрлерди (кан басымын, тамырдын кагышын, дем алуу жыштыгын, мээнин биотогун ж. б.) өлчөөдө кеңири колдонулат.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9