Ракеталар динамикасы
Ракеталар динамикасы - реактивдүү кыймылдаткычтар менен жабдылган учуучу аппараттардын кыймылы жөнүндөгү илим.
Кыймылдаткычы иштеген мезгилде ракетанын учушунун эң негизги өзгөчөлүгү - андагы отундун күйүшүнүн натыйжасында ракетанын массасынын тез өзгөрүшү (азайышы). Мисалы, бир баскычтуу ракетанын ылдамдануу кезиндеги баштапкы массасы 90%ке чейин азаят. Ракета кыймылдаткычтар иштеген кездеги кыймыл мыйзамдары массасы өзгөрмө нерселердин механикасынын теңдемелери менен берилет.
Ракеталар динамикасынын эң маанилүү бөлүктөрү:
- 1) ракетанын масса (оордук) борборунун кыймылын изилдөө, б. а. Ракеталар динамикасынын траекториялык маселелер теорияларын түзүү;
- 2) ракетанын масса борборуна карата кыймылын изилдөө;
- 3) эксперименттик Ракеталар динамикасында ракетанын кыймылы эксперименттик методдор менен изилденет.
Суюк отун менен иштөөчү абдан чоң ракеталардын жасалышына байланыштуу Ракеталар динамикасынын жаңы бөлүмдөрү өнүгүүдө.
Колдонулган адабияттар
[түзөтүү | булагын түзөтүү]Кыргыз Совет Энциклопедиясы. Башкы редактор Б. О. Орузбаева. -Фрунзе: Кыргыз Совет Энциклопедиясынын башкы редакциясы, 1980. Том 5. Пирс - Токкана. -656 б.