Рахман сүрөсү

Википедия дан
Jump to navigation Jump to search

РАХМААН сүрөсү, 55-cүрө[оңдоо | булагын оңдоо]

  • Мединада түшүрүлгөн. Жетишиш сегиз айаттан турат.
  • Кыргызча котормо мааниси
  • Мээримдүү, Ырайымдуу Алланын аты менен!
  • 1.Мээримдүү[1] (Алла)
  • 2.Куранды үйрөткөн.
  • 3.Инсанды жараткан.
  • 4.Ага сүйлөөнү үйрөткөн.
  • 5.Күн жана ай эсеп менен (айланат).
  • 6.Жылдыз да[2], дарактар да[3] сежде кылышат.
  • 7.Асманды көтөрүп[4], таразасын[5] орнотуп койгон,
  • 8.Өлчөмдөгү[6] чектен чыкпооңор үчүн.
  • 9.Өлчөөнү[7] адилеттүүлүк менен кылгыла жана таразадан кемитпегиле[8]!
  • 10. Жерди жандуулар үчүн төшөгөн.
  • 11. Анда жемиштер жана бутак-шактуу курмалар (бар).
  • 12. (Анда) кабыктуу урук жана жыпар жыттуу[9] өсүмдүктөр (өсөт).
  • 13. [10]Эгеңердин жакшылыктарынын кайсынысын жалганга чыгара аласыңар?!
  • 14. Инсанды чоподой бышырылган кургак ылайдан[11] жаратты.
  • 15. Жиндерди түтүнсүз жалындан жаратты.
  • 16. Эгеңердин жакшылыктарынын кайсынысын жалганга чыгара аласыңар?!
  • 17. Эки Чыгыш жана эки Батыш Эгеси[12].
  • 18. Эгеңердин жакшылыктарынын кайсынысын жалганга чыгара аласыңар?!
  • 19. Эки деңизди кошуп агызды.
  • 20. Экөөсүнүн ортосунда тосмо[13] бар. Бири-бирине кошулбайт.
  • 21. Эгеңердин жакшылыктарынын кайсынысын жалганга чыгара аласыңар?!
  • 22. Ал экөөсүнөн бермет менен маржан чыгат.
  • 23. Эгеңердин жакшылыктарынын кайсынысын жалганга чыгара аласыңар?!
  • 24. Тоолордой болуп деңизде сүзүп жүргөн кемелер да Аныкы[14] (бийлигинде).
  • 25. Эгеңердин жакшылыктарынын кайсынысын жалганга чыгара аласыңар?!
  • 26. Анын[15] үстүндөгүнүн баары жок болот.
  • 27. Бир гана Берешендиктин жана Улуулуктун Ээси болгон Эгеңдин Өзү гана калат[16].
  • 28. Эгеңердин жакшылыктарынын кайсынысын жалганга чыгара аласыңар?!
  • 29. Асмандардагы жана жердегилердин баарысы Андан тилешет. Ал күн сайын иретке келтирүүдө[17].
  • 30. Эгеңердин жакшылыктарынын кайсынысын жалганга чыгара аласыңар?!
  • 31. Эй, эки тайпа![18] Биз силерге[19] көңүл бөлөбүз.
  • 32. Эгеңердин жакшылыктарынын кайсынысын жалганга чыгара аласыңар?!
  • 33. Эй, жиндердин жана адамдардын тайпалары! Асмандар менен жердин чектеринен чыгууга чамаңар жетсе, чыккыла, бирок Менин кудуретимсиз[20] чыга албайсыңар!
  • 34. Эгеңердин жакшылыктарынын кайсынысын жалганга чыгара аласыңар?!
  • 35. Силерге түтүнсүз жалынды жана жалынсыз түтүндү жиберебиз. Силер өзүңөргө-өзүңөр жардам да бере албайсыңар[21].
  • 36. Эгеңердин жакшылыктарынын кайсынысын жалганга чыгара аласыңар?!
  • 37. Асман жарылып, түтүн сыяктуу кыпкызыл болгондо,
  • 38. Эгеңердин жакшылыктарынын кайсынысын жалганга чыгара аласыңар?!
  • 39. Ал Күнү адамдар жана жиндер өз күнөөлөрү тууралуу суракка алынбайт.
  • 40. Эгеңердин жакшылыктарынын кайсынысын жалганга чыгара аласыңар?!
  • 41. Күнөөкөрлөр белгилеринен таанылып, маңдай чачтары жана буттарынан алынат[22].
  • 42. Эгеңердин жакшылыктарынын кайсынысын жалганга чыгара аласыңар?!
  • 43. Бул – күнөөкөрлөр жалганга чыгарган Тозок.
  • 44. Алар От[23] менен кайнак суунун ортосунда айланып жүрүшөт.
  • 45. Эгеңердин жакшылыктарынын кайсынысын жалганга чыгара аласыңар?!
  • 46. Кимде-ким Эгесинин алдында туруудан[24] корксо ага – эки бакча[25].
  • 47. Эгеңердин жакшылыктарынын кайсынысын жалганга чыгара аласыңар?!
  • 48. Экөө тең[26] бак-шактуу жемиштүү.
  • 49. Эгеңердин жакшылыктарынын кайсынысын жалганга чыгара аласыңар?!
  • 50. Экөөндө экиден аккан булак.
  • 51. Эгеңердин жакшылыктарынын кайсынысын жалганга чыгара аласыңар?!
  • 52. Экөөндө ар бир мөмө-жемиштен жуп-жубу менен (болот).
  • 53. Эгеңердин жакшылыктарынын кайсынысын жалганга чыгара аласыңар?!
  • 54. Алар ичи жибек жаздыктарда жөлөнгөн абалда (олтурушат). Эки бакчанын тең жемиштери ийилип жакын (жайгашкан).
  • 55. Эгеңердин жакшылыктарынын кайсынысын жалганга чыгара аласыңар?!
  • 56. Ал жерде жиндер да, адамдар да мурда тийбеген, көздөрү чоочундарды карабаган[27] кыздар (бар).
  • 57. Эгеңердин жакшылыктарынын кайсынысын жалганга чыгара аласыңар?!
  • 58. Алар жакут менен маржан сыяктуу.
  • 59. Эгеңердин жакшылыктарынын кайсынысын жалганга чыгара аласыңар?!
  • 60. Жакшылыктын сыйлыгы – жакшылык менен гана (болот[28]!).
  • 61. Эгеңердин жакшылыктарынын кайсынысын жалганга чыгара аласыңар?!
  • 62. Ал эки бактан башка дагы эки бак (бар).
  • 63. Эгеңердин жакшылыктарынын кайсынысын жалганга чыгара аласыңар?!
  • 64. Экөө тең жап-жашыл!
  • 65. Эгеңердин жакшылыктарынын кайсынысын жалганга чыгара аласыңар?!
  • 66. Ал экөөндө тең атырылып чыгып туруучу эки булак (бар).
  • 67. Эгеңердин жакшылыктарынын кайсынысын жалганга чыгара аласыңар?!
  • 68. Анда мөмө-жемиштер, курмалар жана анарлар (бар).
  • 69. Эгеңердин жакшылыктарынын кайсынысын жалганга чыгара аласыңар?!
  • 70. Экөөндө тең жакшы мүнөздүү, танынакай кыздар[29] (бар).
  • 71. Эгеңердин жакшылыктарынын кайсынысын жалганга чыгара аласыңар?!
  • 72. Чатырларда жашырылган[30] кара көз үр кыздар (бар).
  • 73. Эгеңердин жакшылыктарынын кайсынысын жалганга чыгара аласыңар?!
  • 74. Аларга[31] жиндер да, адамдар да, мурда тийген эмес[32].
  • 75. Эгеңердин жакшылыктарынын кайсынысын жалганга чыгара аласыңар?!
  • 76. Жашыл жаздыктардын жана кооз килемдердин үстүндө жазданып олтурушат.
  • 77. Эгеңердин жакшылыктарынын кайсынысын жалганга чыгара аласыңар?!
  • 78. Улуулук жана Берешенди Ээси болгон Эгеңдин ысмы Улуу!».
  • [1] Алланын улуу ысым-сыпаттарынын бири
  • [2] «жылдыз» маанисин берген араб тилиндеги «нажм» сөзү бир эле учурда «өсүмдүк» деген да маанини туюнтат. Бул жерде ошол эки маани тең дал келет.
  • [3] Аллага баш ийет
  • [4] Алла Таала
  • [5] адилеттүүлүгүн
  • [6] Алланын мыйзамындагы (өлчөмүндөгү) чектен
  • [7] Бул жерде тараза менен тартуудагы өлчөм тууралуу кеп болууда
  • [8] Алдап соода кылбагыла, ар бир нерсени сатканда таразада так тартып саткыла!
  • [9] Райхан сыяктуу
  • [10] Эй адамдар жана жиндер!
  • [11] Топурактын угутунан
  • [12] Алла Таала
  • [13] Б.а. туздуу жана тузсуз деңизди аралыштырып жибербей турган парда бар. Ал тосмонун кандай турганына Алладан башка эч кимдин акылы жетпейт!
  • [14] Алланын
  • [15] жердин
  • [16] түбөлүк
  • [17] алардын тиричилигин, иштерин
  • [18] эй, жиндер жана адамдар!
  • [19] Силерден эсеп-кысап алуу үчүн
  • [20] эч качан
  • [21] аргасыздан Махшарга айдалып келинесиңер
  • [22] маңдай чач же буттарынан жазалоочу периштелер тарабынан кармалып Тозокко ыргытылат
  • [23] Тозок
  • [24] Кыямат Күнү болуучу суракта
  • [25] эки Бейиш берилет
  • [26] Жогоруда аталган эки Бейиш тең
  • [27] күйөөсүнө абдан берилген
  • [28] Кылган жакшылыгыңар үчүн сөзсүз жакшылык көрөсүңөр. Б.а. аракетиңер эч качан текке кетпейт деген мааниде.
  • [29] үр кыздар
  • [30] эч кимге көрүнбөгөн
  • [31] үр кыздарга
  • [32] Б.а. алардын колун мурда эч ким кармаган эмес