Санташ кыштагы

Санташ кыштагы — Ысык-Ата районундагы Санташ айыл советине караштуу кыштак. "Санташ" колхозунун аймагында. Райондун борбору жана темир жол станциясы Ивановка ш.т. п-нан 16 км түштүк тарапта. Кыштактын түштүгүрөөк жагында Ысык-Ата суусуна плотина курулган. Калкынын саны 784 (1986); негизинен мал чарбасында эмгектенишет. Жайкысын ищтөөчү балдар бакчасы, китепкана бар. Кыштакта Кыргыз ССР эл артисти А. Боталиев туулган.