Суусамыр башкы кой чарба бирикмеси

Суусамыр башкы кой чарба бирикмеси (ГОО) 1977-ж. Суусамыр МЖСинин базасында кайрадан уюштурулган.

• Негизинен Суусамыр өрөөнүндө кой чарбасын өнүктүрүп, жыл бою ошол жерде калтыруу менен Чүй өрөөнүнүн чарбаларынын Суусамырда кыштаган койлорун толугу менен ГООго өткөрүп берүү болгон.
• Койдун жалпы саны 75,0 миңге жеткен.
• Мурунку МЖСтин айдоо аянты да ГООго карап калган.
• Суусамырдагы малчылардын саламаттыгы жана жайлоого келген малды зооветеринария жактан тейлөө милдети да жүктөлгөн.
• Малды кыштоодо кармоо үчүн бир нече мал сарайлар жана чабандарга жылуу үйлөр курулган.
• Суусамыр башкы кой чарба бирикмесинин директору болуп С. Солтобаев иштеген.
• 1982-ж. совхоз кайра уюшулганына байланыштуу жоюлган.

Колдонулган адабияттар

Суусамыр: Энциклопедия /Башкы ред. Ү. Асанов. - Б.: Энцик. борбору, 2010. - 312 б., илл. ISBN 978-9967-14-076-9