Сыдыков Бактыбек Үсөнович
| Сыдыков Бактыбек Үсөнович | ||
 | ||
| ||
|---|---|---|
| ||
| ||
| Жарандыгы: | Кыргыз | |
| Дини: | Ислам | |
| Туулган жылы: | 18-июль 1970-жыл | |
| Туулган жери: | Исфана ш. (азыркы Раззаков шаары), Лейлек району | |
| Партиясы: | «Ата-Журт Кыргызстан» (Бир мандаттуу округ) | |
| Билими: | Н.Э. Бауман атындагы Москва мамлекеттик техникалык университети, Кыргыз Республикасынын Президентине караштуу Башкаруу академиясы | |
| Кесиби: | инженер-механик, менеджер | |
| Ишмердүүлүгү: | 1994 - а.ч. | |
Сыдыков Бактыбек Үсөнович (18-июль 1970-жыл, Исфана кыштагы (азыркы Раззаков шаары), Лейлек району)[1] — кыргызстандык саясатчы жана мамлекеттик ишмер, Кыргыз Республикасынын Жогорку Кеңешинин VI («Республика-Ата Журт») жана VII (№16 Ноокен шайлоо округу) чакырылышынын депутаты. «Ата-Журт Кыргызстан» парламенттик фракциясынын лидери. Жогорку Кеңештин «Транспорт, коммуникациялар, архитектура жана курулуш» боюнча комитетинин мүчөсү.
Өмүр баяны
[түзөтүү | булагын түзөтүү]Бала чагы
[түзөтүү | булагын түзөтүү]Бактыбек Сыдыков 1970-жылы 18-июлда Баткен облусунун Лейлек районуна караштуу Исфана шаарында туулган. Улуту — кыргыз[2].
Билими
[түзөтүү | булагын түзөтүү]1993-жылы Н.Э. Бауман атындагы Москва мамлекеттик техникалык университетин «инженер-механик» багыты боюнча аяктаган. 2010-жылы Кыргыз Республикасынын Президентине караштуу Башкаруу академиясында «мамлекеттик башкаруу менеджменти» багыты боюнча билим алган[1].
Эмгек жолу
[түзөтүү | булагын түзөтүү]- 1994-жылы «Трио-Б» кыргыз-казак биргелешкен ишканасында башкы директор болуп иштеген.
- 2000–2001-жылдары «Кыргыз-Дан-Азык» акционердик коомунун мүлктүк комплексин жетектеген.
- 2001–2005-жылдары «Кыргыз-Дан» компаниясында башкы директорлук кызматты аркалаган.
- 2005-жылы Кыргыз Республикасынын финансы министринин кеңешчиси болгон.
- 2005–2007-жылдары «Манас» Эл аралык аэропорту» ачык акционердик коомунда социалдык-экономикалык маселелер боюнча вице-президент болуп иштеген.
- 2007–2008-жылдары КМШ Аэропорттор Ассоциациясынын төрагасы — Мамлекеттер аралык авиация комитетинде.
- 2007–2010-жылдары «Манас» Эл аралык аэропорту» ААКнын президенти кызматын ээлеген.
- 2011–2015-жылдары «АККА компаниялар тобу» жабык акционердик коомунун директорлор кеңешине төрагалык кылган.
- 2015–2020-жылдары «Республика-Ата Журт» саясий партиясынан Кыргыз Республикасынын Жогорку Кеңешинин VI чакырылышынын депутаты болгон.
- 2015-жылы Жогорку Кеңештин Транспорт, коммуникациялар, архитектура жана курулуш боюнча комитетинин мүчөсү катары иш жүргүзгөн.
- 2020–2021-жылдары «Манас» Эл аралык аэропорту» ААКда башкы директор — башкармалыктын төрагасы кызматын аркалаган.
- 2021-жылы «АККА компаниялар тобу» ЖАКда башкармалыктын төрагасынын кеңешчиси болгон.
- 2021-жылдын 29-декабрында №16 Ноокен шайлоо округунан Жогорку Кеңештин VII чакырылышына депутат болуп шайланган.
- 2022-жылы Жогорку Кеңештин Транспорт, коммуникациялар, архитектура жана курулуш боюнча комитетинин төрагасы болуп дайындалган.
- «Ата-Журт Кыргызстан» парламенттик фракциясын жетектейт[1].
Үй-бүлөсү
[түзөтүү | булагын түзөтүү]Үй-бүлөлүү, төрт баланын атасы.
Сыйлыктары
[түзөтүү | булагын түзөтүү]Булактар
[түзөтүү | булагын түзөтүү]- 1 2 3 4 Депутат Сыдыков Бактыбек Усенович. kenesh.kg. Текшерилген күнү 11 -май (бугу) 2025.
- ↑ Сыдыков Бактыбек Усенович (орусча). who.ca-news.org. Текшерилген күнү 11 -май (бугу) 2025.
- ↑ За активность — награды (орусча). slovo.kg. Текшерилген күнү 11 -май (бугу) 2025. Түп булактан архивделген күнү 5 -июнь (кулжа) 2025.