Табышалиев, Салмоорбек

Wikipedia дан
Jump to navigation Jump to search

Табышалиев, Салмоорбек (15.3.1928, Чүй облусу, Сокулук району, Кызылтуу айылы – 1993, Бишкек) – тарых илиминин доктору (1970), Кыргызстан ИАнын академиги (1989; корреспондент-мүчө, 1974).

Кыскача өмүр таржымакалы[оңдоо | булагын оңдоо]

Салмоорбек Табышалиев 1928-жылы 15-мартта Кыргызстандын Чүй өрөөнүндөгү Сокулук районуна караштуу Кызыл-Туу айылында туулган.

1946-ж. Кыргызстан мамлекеттик педагогикалык институтун бүткөндөн кийин, анда окутуучу (1950–51), 1952–53-ж. Кыргызстан КП БКга караштуу Партия тарыхы институтунун директоруна орун басар жана сектор башчы, 1952–54-ж. Кыргызстан ЛКЖС БКнын катчысы болуп иштеген.

1954–56-ж. Кыргызстан ИАнын Тарых институтунун директору, 1956–60-ж. Кыргызстан БКнын бөлүм башчысы, партиянын 1-Май райкомунун 1-катчысы, Кыргызстан КП БКга караштуу Партия тарыхы институтунун директору болгон.

1960–76-ж. КМУнун (азыркы Жусуп Баласагын атныдагы Кыргыз улуттук университетинин) ректору болгон.

4.7.1975 - 27.3.1980 - Кыргыз ССР Жогорку Кеңешинин төрагасы болгон.

1976–-83-ж. Кыргызстан ИАнын вице-президенти жана коомдук илимдер бөлүмүнүн төрагасы.

1983–92-ж. КР УИАсынын Тарых институтунда бөлүм башчы, директору болгон.

1992-жылдан ушул эле институттун дирекциясынын кеңешчиси.

1993-жылы дүйнөдөн кайткан. Сөөгү Бишкектеги "Ала-Арча" көрүстөнүнө коюлган.

Чыгармачылыгы[оңдоо | булагын оңдоо]

Эмгектери Кыргызстандагы социалдык жана коммунисттик курулушка, комсомолго, жогорку окуу жайларынын тарыхына арналган. 150дөн ашык илимий эмгектин автору.

Сыйлыктары. Наамдары. Коомдук ишмердиги[оңдоо | булагын оңдоо]

Кыргыз ССР Жогорку Советинин депутаты (1963–80).

Кыргыз Республикасынын мамлекеттик сыйлыгынын лауреаты (1970).

Ленин, Эмгек Кызыл Туу, 2 «Ардак Белгиси» ордендери менен сыйланган.

Эстутум[оңдоо | булагын оңдоо]

2013-жылдын 19-декабрында Бишкек шаарында Жусуп Баласагын атныдагы Кыргыз улуттук университетинде академик Салмоорбек Табышалиевдин 85 жылдыгына арналган илимий-тажрыйбалык жыйын өткөрүлдү.

С. Табышалиевдин аты Бишкек шаарында КУУнун жанындагы көчөгө берилген.


Колдонулган адабият[оңдоо | булагын оңдоо]

  • Асанов У.А., Джуманазарова А.З., Чоротегин Т.К. Кыргызская наука в лицах: Краткий исторический и био-библиографический свод / Отв. ред. У.А.Асанов. - Бишкек: Центр госязыка и энциклопедии, 2002. - 544 стр., илл., карты. (ISBN 5-89750-142-4) [U.A.Asanov, A.Z.Jumanazarova, T.Chorotegin. Kyrgyzskaia nauka v litsah: Kratkiy istoricheskiy I bio- bibliograficheskiy svod / Otv. Red. U.A.Asanov. – Bishkek: Tsentr gosyazyka I entsiklopedii. 2002. – 544 pages, ill., map. (ISBN 5-89750-142-4)]
  • Кыргыз Тарыхы. Энциклопедия. Мамлекеттик тил жана энциклопедия борбору. Бишкек, 2003.


Интернеттеги шилтемелер[оңдоо | булагын оңдоо]