Таквир сүрөсү

• 81-сүрө
• == Таквир сүрөсү (1) Оролуу ==
• Меккеде түшүрүлгөн. 29 аяттан турат
• Кыргызча котормо мааниси
• Мээримдүү, Ырайымдуу Алланын аты менен!
• 1. Күн оролуп (нуру жоголуп),
• 2. жылдыздар (кыйрап) төгүлүп,
• 3. тоолор (тытылган жүн сыяктуу) учурулуп,
• 4. Курсагында он айлык баласы бар (кымбат баалуу) төөлөр дагы көнүл сыртында калып, (2)
• 5. Жапайы айбандар (үркүп, бир жерге) чогулуп, (3)
• 6. Деңиздер жанып - от болуп,
• 7. Жандар бири-бирине коштолуп…(4)
• 8. Тирүүлөй көмүп жиберилген бөбөк кыздар суралганда -
• 9. Кайсы күнөө(ңөр) үчүн өлтүрүлдү(ңөр) деп… (5)
• 10. Жана (бардык адамдарга) амал баракчалары таратылып,
• 11. Асман сыйрылып алынганда…,
• 12. Тозок (катуу) кызытылып,
• 13. Бейиш (ыймандуу адамдарга) жакын алып келингенде…
• 14. (Ошол күнү бардык) жан (Акырет үчүн) эмне алып келгенин билет.
• 15. Жок. Артта кала турган жылдыздарга ант
• 16. (аларга) жолдош, көрүнбөгөн жылдыздарга ант
• 17. (караңгысы менен) келген түнгө ант
• 18. агарган таңга ант (айтамын)
• 19. Чынында, ал (Кураан) Улуу Элчинин Сөзү! (6)
• 20. Арш Ээсинин (7) алдында (Жебрейилдин) туруктуу урматы бар (жана ал) өтө күч - кубаттуу
• 21. Ал жерде (жогорку жамаат арасында) сөзү өтүмдүү (жана) ишенимдүү.
• 22. (Эй мушриктер!) Силердин дайым бирге жүргөн шеригиңер (Мухаммад) жинди эмес.
• 23. Ал чынында аны (Жебрейилди) айкын мейкиндикте көргөн.
• 24.Жана ал кайыпты (силерден) кызгануучу эмес. (8)
• 25. Жана ал (9) каргышка жолуккан Шайтандын сөзү да эмес! (10)
• 26. Эми, (чындыктан жүз бурулуп) кайда бара жатасыңар?!
• 27. Ал (Кураан) албетте, ааламдар үчүн эскертүү!
• 28. Силердин араңардан оңолууну каалагандар үчүн (эскертүү!)
• Жана силер (о, пенделер) ааламдардын Раббиси каалагандан башкасы каалай албайсыңар!
• (1) Оролуу
• (6) Бул аяттагы улуу элчи Жебрейл периште. Ал вахий кабарларын Аллахтан кабыл алып, Мухаммадга жеткирген
• (7) Аллахтын
• (8) Ыйык Куран
• (9) Мушриктер "Мухаммадка эч ким сүйлөй албаган сөздөрдү жин-шайтанда үйрөтөт" дешчү