Ташиев Шаирбек Кыдыршаевич
| Шаирбек Ташиев Ташиев Шаирбек Кыдыршаевич | ||
 | ||
| ||
|---|---|---|
| Жарандыгы: | кыргыз | |
| Дини: | ислам | |
| Туулган жылы: | 16-сентябрь 1976-жыл | |
| Туулган жери: | Барпы айылы, Сузак району, Жалал-Абад облусу | |
| Партиясы: | «Мекенчил» депутаттык тобу (Бир мандаттуу округ) | |
| Билими: | Жалал-Абад Коммерциялык институту,
Кыргыз Республикасынын Президентине караштуу Башкаруу академиясы | |
| Кесиби: | коммерциялык ишкер | |
| Ишмердүүлүгү: | 2000 - а.ч. | |
Ташиев Шаирбек Кыдыршаевич (16-сентябрь 1976-жыл, Барпы айылы, Сузак району, Жалал-Абад облусу) — кыргызстандык саясатчы жана мамлекеттик ишмер, Кыргыз Республикасынын Жогорку Кеңешинин VII чакырылышынын (№14 Жалал-Абад шайлоо округу), «Мекенчил» депутаттык тобунун депутаты. Жогорку Кеңештин «Транспорт, коммуникациялар, архитектура жана курулуш» боюнча комитетинин мүчөсү[1].
Өмүр баяны
[түзөтүү | булагын түзөтүү]Бала чагы
[түзөтүү | булагын түзөтүү]Шаирбек Ташиев — 1976-жылы 16-сентябрда Жалал-Абад облусунун Сузак районуна караштуу Барпы айылында туулган.
Билими
[түзөтүү | булагын түзөтүү]Жогорку билими бар. 1997-жылы Жалал-Абад Коммерциялык институтун «Коммерциялык ишкердүүлүк» адистиги боюнча аяктаган. 2000-жылы Кыргыз Республикасынын Президентинин алдындагы Башкаруу академиясынан “Бизнес башкаруу” багытында магистрдик даража алган. 2011-жылы Москва шаарындагы Бажы академиясын ийгиликтүү бүтүргөн.
Үй-бүлөсү
[түзөтүү | булагын түзөтүү]Үй бүлөлүү, төрт баланын атасы.
Эмгек жолу
[түзөтүү | булагын түзөтүү]- 2000-жылы — Жалал-Абад мамлекеттик университетинин Эл аралык бөлүмүндө жетектөөчү адис болуп эмгек жолун баштаган.
- 2001-жылы — Бишкек шаарынын Октябрь райондук администрациясында жетектөөчү адис болуп иштеген.
- 2001–2003-жж. — Мамлекеттик монополияга каршы комиссияда жетектөөчү жана башкы адис кызматтарын аркалаган.
- 2003–2013-жж. — ар кандай кызматтарда — инспектор, улук инспектор, башкы инспектор, посттун башчысы, ошондой эле Жалал-Абад бажы башкармалыгынын башчысынын орун басары болуп иштеген.
- 2015–2021-жж. — “Джалал-Абадский нефтеперерабатывающий завод” ЖЧКсын жетектеген.
- 2016–2020-жж. — Жалал-Абад шаардык кеңешинин депутаты болгон.
- 2021-жылы — Жалал-Абад №14 бир мандаттуу округунан VII чакырылыштагы Кыргыз Республикасынын Жогорку Кеңешине депутат болуп шайланган[1].
Булактар
[түзөтүү | булагын түзөтүү]- 1 2 Депутат Ташиев Шаирбек Кыдыршаевич. Кыргыз Республикасынын Жогорку Кеңеши. Текшерилген күнү 19 -июнь (кулжа) 2025.