Термелип жаткан селкинчектен алыстыкка секирүү
Шарты[түзөтүү | булагын түзөтүү]
Оюнга катышуучулардын саны 2—5 киши.
Оюн өткөрүлүүчү жер: аянтча, дем алчуу жер, дарактуу жер, спорттук оюндарды өткөрүүчү жер.
Оюнда селкинчек колдонулат.
Оюнга даярдануу[түзөтүү | булагын түзөтүү]
Оюнчулар селкинчекти тургузушкандан кийин, оюндун шарты жана кезеги жөнүндө сүйлөшүп алышат.
Оюндун баяны[түзөтүү | булагын түзөтүү]
Оюнчулар кезектери келгенде, бирден селкинчекти буттарында туруп тебип жатышын алыстыкка секирип түшүүгө аракеттенишет. Оюн 2—10 жолу кайталанышы мүмкүн. Селкинчек тебип жатып, алыстыкка секирип түшкөн оюнчу, оюндун жеңүүчүсү болот.
Оюндун эрежеси[түзөтүү | булагын түзөтүү]
Селкинчекке, секирип турчу жерге жакын турууга, бир бирине тоскоолдук кылууга, көпкө чейин термелүүгө болбойт.
Оюнга методикалык көрсөтмө[түзөтүү | булагын түзөтүү]
Секирип түшчү жер жумшак, башка буюмдарсыз болушу керек.
Оюндун педагогикалык мааниси[түзөтүү | булагын түзөтүү]
Оюнда күч, ийилчектик, шамдагайлык тарбияланат, кыймылдарды башкарууга, чечкиндүүлүккө, секирип түшүүнүн ыкмаларын үйрөтөт.