Торопов, Акиндин Маркелович

Торопов, Акиндин Маркелович (1918, Казак ССРи, Семей облусунун, Таврический району, Троицкий айылы) — белгилүү театр сүрөтчү-жасалгалоочу. 1939-ж. Самаркандагы көркөм сүрөт окуу жайын бүтүргөн. Ошол жерде жаш көрүүчүлөр театрында сүрөтчү-сценограф, көркөм сүрөт окуу жайында мугалим. Кыргызстанга келип, Н. К. Крупская атындагы орус драма театрында сүрөтчү, 1947 — 78-жылдары Кыргыз академиялык драма театрында башкы сүрөтчү болуп иштеген. Ал "Манас" эпосуна кайрылып, 1980-жылдары "Чоң казат" полотносун жараткан. Сүрөтчү мында улуу эпостун эпикалык арымын өтө кылдаттык менен даана берүүгө жетишкендиги ар түстөгү боёктордун тереңинде жаткан мезгил духунун таасын чагылдырылгандыгы аркылуу байкалат.

Колдонулган адабияттар

• "Манас" энциклопедиясы/Мамлекеттик тил жана энциклопедия борбору. Бишкек: Кыргыз энциклопедиясынын Башкы редакциясы, - 1995. 1-т. - 440 б. ISBN -5-89750-013-4