Тосор суусу

Тосор суусу, Ашуу төр , Жалгыз карасай – Тескей Алатоонун ортоңку бөлүгүнүн түн. капталынан агып түшкөн суу.

Уз. 30 км, алабынын аянты 304 км². Ала- бынын деңиз деңг. орт. бийикт. 2990 м. Алабында жалпы аянты 21 км² болгон 23 мөңгү, 0,06 км²ди ээлеген үч көл жайгашкан, бири туздуу. Жалпы уз. 130 км келген 37 куймасы бар. Негизинен кар, мөңгү (85%) ж-а жамгыр (15%) сууларынан куралат. Май – октябрь айларында кирип, ноябрь – апрелде тартылат. Көп жылдык орт. чыгымы 2,3 м³/сек, январь – мартта суусу тартыш (1,0 м3/сек). Эң көп чыгымы 65 м³/сек, эң азы 0,40 м³/сек. Сугатка пайдаланылат. Боюнда Тосор кыш. жайгашкан.

Колдонулган адабияттар

• Кыргызстандын географиясы. Бишкек: Мамлекеттик тил жана энциклопедия борбору, 2004, s. 71–72. ISBN 9967-14-006-2