Фажр сүрөсү

• 89-сүрө

Фажр сүрөсү (1) Таң

• Меккеде түшүрүлгөн. 30 аяттан турат
• Кыргызча котормо мааниси
• Мээримдүү, Ырайымдуу Алланын аты менен!
• 1. Таңга ант!
• 2. Он түнгө ант!
• 3. Жуп менен такка ант!
• 4. Жана өтүп жаткан түнгө ант! (2)
• 5. Ушул(айтылганд)арда акылдуу адам үчүн (канааттандырарлык) ант бар болсо керек эле?!
• 6. Раббиң Аад коомун эмне кылганын көрбөдүңбү?!
• 7. Түркүктүү Ирамды (3) (эмне кылганынчы?)
• 8. Ага окшогону эч бир өлкөдө жаратылбаган эле. (4)
• 9. Жана өрөөндө (үй куруу үчүн) аска зоолороду ойгон Самуд коомун ( Раббиң эмне кылганын көрбөдүңбү?)
• 10. Кубаттуу аскерлердин ээси Фиранду (кандай жазалаганын көрбөдүңбү?)
• 11. Алар (ар кайсы) өлкөлөрдө чектен чыгып кетишкен
• 12. жана бузукулукту көбөйтүшкөн болчу.
• 13. Раббиң алардын башында ар түрдүү азап тарды жаадырды.
• 14. Чынында, Раббиң көзөмөлдөп туруучу.
• 15. Раббиси инсанды (байлык менен) сынап, ага жоомарттык көргөзсө жана нээмат берсе "Раббим мени урматтады" дейт
• 16. Ал эми, аны (кембагалдык менен) сынап, ырыскысын ченеп берсе, "Раббим мени кордоду" дейт
• 17. Жок! Силер жетимди ызааттабайсыңар!
• 18. Кедейди тамактандырууга (бири-бириңерди) үгүттөбөйсүңөр!
• 19. Жана (жетимге тиешелүү) мурасты суктук менен жейсиңер!
• 20. Жана мал-дүйнөнү жан-дилиңер менен сүйөсүңөр!
• 21. Жок! Качан (Кыямат башталып) жер катуу титирегенде
• 22. жана Раббиң менен периштелер сап-сап болуп келгенде..,
• 23. Ошол күнү тозок жакын алып келингенде, дал ошол күнү гана (каапыр) инсан (бул дүйнөдөгү каталарын) эстейт. Бирок, эми (бул) эстөө ага пайда берсе кана!
• 24. (Ошондо ал) "Кана эми, (Акыреттеги) жашоомо (кандайдыр сооп) алып келген бослом!" дейт (5)
• 25. Ал күнү Аллах азаптагандай эч ким азаптай албайт.
• 26. Аллах байлагандай эч ким байлай албайт! (6)
• 27. О, тынч -бейпил жан
• 28. (Менден) ыраазы болгон жана (Мени) ыраазы кылган абалда Раббиңе кайткын.
• 29. Менин (жакшы) пенделериме кошулгун
• 30. жана Менин Бейишиме киргин!