Чоң-Таш көлү

Wikipedia дан
Jump to navigation Jump to search

Чоң-Таш көлү - Жумгал кырка тоосунун түштүк капталында жайгашкан көл. Көлмө суусунун өрөөнүндө. Деңиз деңгээлинен бийиктиги 2590 м. Узундугу 800 м, эң жазы жери 380 м, аянты 0,23 км, көлөмү 3,95 млн м, эң терең жери 33 м. Көл чанагы байыркы мөңгүнүн мореналары суунун өрөөнүн бөгөп калышынан пайда болгон. Көлгө Көлмө суусу куюлат. Көл бөгөтү калың бадал менен капталган байыркы зор этек моренаны элестетет. Морена жалчасынын эни 400-500 м келип, көлдүн деңгээлине 40-50 м көтөрүлүп жатат. Бөгөттүн сол жак капталындагы жыраң аркылуу суу чыгат. Көл суусу тосмонун арасынан сарыгып агат. Акыркы жылдары көлдүн деңгээли бөксөрүүдө.