Шамс сүрөсү

• 91-сүрө

Шамс сүрөсү (1) Күн

• Меккеде түшүрүлгөн. 15 аяттан турат
• Кыргызча котормо мааниси
• Мээримдүү, Ырайымдуу Алланын аты менен!
• 1. Күн жана анын жарыгана ант!
• 2. Анын (Күндүн) артынан келген Айга ант!
• 3. Жана аны ашкере көргөзгөн күндүзгө ант!
• 4. Жана аны ороп кала турган түнгө ант!
• 5. Асманга жана аны (бекем) курганга (2) ант!
• 6. Жерге жана аны жайганга ант!
• 7. Напсиге жана аны (түз жол үстүндө) жаратканга ант! (3)
• 8. Ал (Аллах) анын (напсинин) бузукулугуна да, такыбаалыгына да илхам берип койду.
• 9. Эми, ким напсисин ( бузук кулк-мүнөздөн) тазалаган болсо, жеңишке (Бейишке) жетет.
• 10. Ким аны (күнөө менен) кордогон болсо, (Бейиштен) үмүтсүз калат (4)
• 11. Самуд (коому) өзүнүн чектен чыгуусу менен (пайгамбары Салихти) жалганчыга чыгарды.
• 12. Бир кезде анын эң бактысыз адамы (пайгамбарга берилген моожиза- төөнү союш үчүн) козголду
• 13. Аларга Аллахтын элчиси "Аллахтын төөсүнө (жамандык кылуудан) жана анын суу ичүүсүнө (тоскоол болуудан абайлагыла. Эгер баш ийбесеңер, силерге Аллахтын азабы келет!") деди
• 14. Аны "жалганчы" дешти жана (төөнү) союп салышты. Натыйжада (ушул) күнөөлөрү себептүү Раббиси аларды ойроп кылды жана аны (азапты бардыгына) тең кылды! (5)
• 15. Ал (Аллах Таала) бул иштин акыбетинен коркпойт.