Шпольский эффектиси
Шпольский эффектиси – төмөнкү температурада атайын эритмелерде татаал органикалык бирикмелердин квазисызыктуу спектрлеринин пайда болушу.
1952-ж. Э.В.Шпольский байкаган. Квазисызыктуу спектрлер термелүүчү структурада болуп, молекулалардын термелүү жыштыгын аныктайт. Мунун жардамы менен жекече татаал органикалык радикалдардын физикалык жана химиялык касиеттери; органикалык бирикмелердин фотохимия процесстери; канцерогендүү бирикмелер ж. б. изилденет. Шпольский эффектисинин негизинде аралашмалардын спектрдик анализи бир нече жекече бирикмелерди бир эле мезгилде чогуу аныктайт жана 10-11 г га чейин абсолюттук сезгич болот.
Колдонулган адабияттар
[түзөтүү | булагын түзөтүү]- Мамлекеттик тил жана энциклопедия борбору. Физика. Энциклопедиялык окуу куралы. 2004 Бишкек. ISBN 9967-14-010-0