Элдар Сулайманов

	Эльдар Сулайманов; кырг. Элдар Сулайманов
Президент:	Садыр Жапаров
Жарандыгы:	Кыргызстан
Дини:	Ислам
Туулган жылы:	1985 жыл
Туулган жери:	Жалал-Абад облусу, Ала-Бука айылы
Атасы:	Нурлан Сулайманов
Партиясы:	Ата-Жүрт
Билими:	Кыргыз-Россия славян университети Б. Ельцин атындагы (КРСУ)
	Аскердик кызматы
Жарандыгы:	Кыргызстан
Наамы:	*

Элдар Сулайманов — (1985-жылы 14-мартта, Жалал-Абад облусу, Ала-Бука айылында төрөлгөн) — Кыргызстандын мамлекеттик жана саясий ишмери. Кыргыз Республикасынын Жогорку Кеңешинин VII жана VIII чакырылышынын депутаты^[1].

Өмүр баяны

Элдар Сулайманов 1985-жылы 14-мартта Жалал-Абад облусунун Ала-Бука районуна караштуу Ала-Бука айылында туулган. 2002-жылы — Чыңгыз Айтматов атындагы Кыргыз-Түрк лицейин аяктаган. 2007-жылы — Б.Н. Ельцин атындагы Кыргыз-Россия Славян университетинин Эл аралык мамилелер факультетин «Эл аралык экономика» адистиги боюнча бүтүргөн. 2011-жылы — Кыргыз мамлекеттик юридикалык академиясында «Юриспруденция» багыты боюнча магистр даражасын алган.

Эмгек жолу

2007-2008-жылдары ОАО «Электр станцияларында» Тышкы байланыштар бөлүмүндө экономист.

2008-2010-жылдары Мамлекеттик финансалык полиция кызматында ыкчам кызматкер.

2011-жылы Кыргыз Республикасынын Жогорку Кенешинин Төрагасынын кеңешчиси.

2011-2012 жылдары Мамлекеттик каттоо кызматынын Калкты катоо департаментинин директорунун орун басары.

2016-2021-жылдары «Кыргыз-Чех суу компаниясы» ЖЧКсын негиздеп, башкарып турган.

2021-жылдын июнь айында Ош шаардык кенешине «Ата-Журт Кыргызстан» саясий партиясынын тизмеси менен депутат болуп шайланган.

2021-2025-жылдары «Ата-Журт Кыргызстан» саясий партиясынын катарында Кыргыз Республикасынын Жогорку Кеңешинин VII чакырылышынын депутаты.

2022-жылы Кыргыз Республикасынын Жогорку Кеңешинин Транспорт, коммуникациялар, архитектура жана курулуш боюнча комитетинин төрагасынын орун басары болуп шайланган;

2023-жылы Кыргыз Республикасынын Жогорку Кеңешинин Эл аралык иштер, коргоо, коопсуздук жана миграция боюнча комитетинин мүчөсү.

2024-жылы Кыргыз Республикасынын Жогорку Кеңешинин Эл аралык иштер, коргоо, коопсуздук жана миграция боюнча комитетинин төрагасынын орун басары.

2025-жылдын ноябрь айында Кыргыз Республикасынын Жогорку Кеңешинин VIII чакырылышынын депутаты болуп шайланган.

Эл аралык иштер, коргоо, коопсуздук жана миграция боюнча комитетинин төрагасы.

Депутаттык ишмердүүлүгү

Элдар Сулаймановдун депутаттык ишмердүүлүгү туризм секторун реформалоо, экологиялык мыйзамдарды иштеп чыгуу жана социалдык колдоо маселелерине багытталган. Жогорку Кеңештин жыйындарында Ысык-Көл аймагынын туристтик инфраструктурасын (веложолдорду, асма жолдорду жана тейлөө объектилерин) өнүктүрүү боюнча бир катар сунуштарды киргизген. Ысык-Көл облусунун экологиялык абалын коргоо боюнча мыйзам долбоорлорун талкуулоого жана бюджеттик каражаттарды бөлүштүрүү боюнча чечимдерди кабыл алууга катышат. Баткен облусундагы куралдуу кагылышууларда курман болгон аскерлердин үй-бүлөлөрүнө турак-жай бөлүп берүү боюнча кайрымдуулук иштерин жүргүзгөн^[2].

Коомдук резонанс

2026-жылдын январь айында социалдык тармактарда депутаттын мурдагы жубайы Асел Азаматованын билдирүүсү жарыяланып, анда ал Э. Сулайманов тарабынан үй-бүлөлүк зомбулукка кабылып келгенин айтып чыккан^[3].

Бишкек шаардык ички иштер башкы башкармалыгы бул факт боюнча текшерүү баштап, А. Азаматовага коргоо ордерин берген. Депутат өз кезегинде бул айыптоолорду "куру доомат" деп атап, чындыкка коошпоорун билдирген^[4]. Учурда бул иш укук коргоо органдарынын көзөмөлүндө^[5].

Жеке жашоосу

Үй-бүлөлүү, үч уулдун атасы.

Булактар

[1] Сулайманов Эльдар Нурланович — өмүр баяны

[2] Жылдын мыкты депутаты – Эльдар Сулайманов

[3] Депутаттын мурдагы аялына коргоо ордери берилди. Эл өкүлү айыптоолорду четке какты

[4] Депутат Эльдар Сулайманов прокомментировал обвинения бывшей супруги в семейном насилии

[5] Депутат Сулаймановдун мурдагы жубайына коргоо ордери берилди

[1]

[2]

[3]

[4]

[5]