Этностор аралык миксация

Этностор аралык миксация - (лат. mixatio - аралашуу) – бир нече тектеш эмес этностордун интеграциялануусунун жүрүшүндө аралашуусу жана анын натыйжасында жаңы этностун пайда болушу.

Жаңы этностук жалпылык ага кирген баардык этностордун маданияттарынын элементтерин айкалыштырат. Бул процесс ассимиляцияга жакын, анда биригүүчү продесстер адатта аймактык аралашуу, байланышып жаткан этностордун метистешүүсүнө алып келүүчү этностор аралык никелешүүнүн көл болушу менен шартталат. Ал Латын Америкасынын элдери үчүн өзгөчө мүнөздүү.

Колдонулган адабияттар

• Каратаев, Олжобай. Кыргыз этнонимдер сөздүгү. - Бишкек: Кыргыз-Түрк "Манас" университети, 2003. - 265 бет. - ISBN 9967-21-621-2.