Өкүрүп келүү

Өкүрүп келүү - өлгөн адамга батага келген эркектердин добуш чыгарып келүүсү. Үйгө жакындаганда колун бөйрөгүнө алып, «боорум ой!» жана башка сөздөр менен өкүрүп келет. Үйдүн сөөк жаткан тушунда эңкейген абалда улантылат. Сөөктү коюп келгенден кийин да жакындары үйгө өкүрүп келишет. Өкүрүп ыйлоо, албетте, маркумга кайгырууну билдирүү. Бул салт байыркы доорлордон эле белгилүү.