Avia Traffic Company

Avia Traffic Company
*ЖЧК «Авиа Траффик Компани»*
Негизделген жылы	2003
AOC #	23
Хабдар	Манас эл аралык аэропорту
Башкы кеңсеси	Кыргыз Республикасы, 720005, Бишкек ш., Панфилов к.,26
Жетекчилик	Аскаров Алик Бакеевич; (Башкы мүдүр)
Сайты	www.aero.kg

Avia Traffic Company (юридикалык аталышы - ЖЧК "Авиа Траффик Компани") — кыргыз авиакомпаниясы. 2003-жылдын 20-июнунда негизделген^[1]. Башкы кеңсеси Бишкек шаарында жайгашкан.

Avia Traffic Company Кыргызстандагы башка бардык авиакомпаниялар сыяктуу эле Европа Биримдигине уча албаган, тыюу салынган авиакомпаниялардын тизмесине киргизилген^[2].

Тарыхы

2004-жылдан бери компания өзүнүн өндүрүштүк ишмердүүлүгүн L-410 жана АН-24 учактары менен чартердик жана ички каттамдар аркылуу ишке ашырып келген. Төрт жыл бою компания негизинен ички каттамдарды гана аткарып келген. 2008-жылы болсо, «Avia Traffic Company» Алмата, Душанбе жана Новосибирск шаарларына эл аралык каттамдарды ишке киргизүү менен өзүнүн маршруттук тармагын кеңейткен^[1].

2010-жылдан тарта авиакомпания британиялык BAe 146-200 турбо-реактивдүү учагын колдонууга киргизген. Бул Екатеринбург жана Казань шаарларына каттамдардын географиясын кеңейтүүгө, ошондой эле Кытайдын Үрүмчү жана Ирандын Мешхед шаарларына туруктуу каттамдарды аткарууга мүмкүнчүлүк берген.

2011-жылы Москва жана Санкт-Петербург шаарларына узак каттамдар аткарыла баштаган.

2018-жылы авиакомпания Бишкек-Анталия-Бишкек, Бишкек-Дели-Бишкек жана кышында Бишкек-Шарм-Эль-Шейх-Бишкек сыяктуу жаңы багыттарды ишке киргизген.

2020-жылдын июль айында IATA (Эл аралык аба транспорт ассоциациясы) авиакомпаниянын эксплуатациялык коопсуздук аудити – IOSAдан ийгиликтүү өткөндүгү үчүн өзүнүн реестрине расмий түрдө киргизген^[1].

Багыттар

Учурда авиакомпаниянын ишмердүүлүгү Кыргыз Республикасынын Бишкектеги «Манас» эл аралык аэропортунан жана Ош шаарындагы Ош эл аралык аэропортунан жүргүзүлүп, төмөнкү шаарларга үзгүлтүксүз каттамдар уланууда:

Бишкек
Өлкө	Багыт	Аэропорт	Эскертүүлөр
Кыргызстан	Ош	Ош
	Жалал-Абад	Жалал-Абад
	Раззаков	Раззаков
Орусия	Москва	Домодедово
	Екатеринбург	Кольцово
	Казань	Казань
	Красноярск	Емельяново
	Новосибирск	Толмачево
	Сургут	Сургут
	Санкт-Петербург	Пулково
	Краснодар	Пашковский
	Иркутск	Иркутск
Түркия	Стамбул	Стамбул
Түркия	Анталья	Анталья	чартердик рейс жазында
Египет	Шарм-эль-Шейх	Шарм-эль-Шейх	чартердик рейс кышында

Ош
Өлкө	Багыт	Аэропорт
Кыргызстан	Бишкек	Манас
Орусия	Москва	Домодедово
	Екатеринбург	Кольцово
	Красноярск	Емельяново
	Новосибирск	Толмачево
	Сургут	Сургут
	Иркутск	Иркутск
	Санкт-Петербург	Пулково

Учактар

2011-жылдан бери компания Boeing 737-300 учактарын сатып алуу менен өзүнүн жеке паркын акырындык менен кеңейткен. 2016-жылы А-320 үлгүсүндөгү учактар алынып, пайдаланууга берилген. Ошол эле жылдары Вае-146-200 учагынын өз алдынча иштөөсү токтотулуп, ички каттамдар RJ85 учактары менен аткарыла баштаган.

Азыркы флоту

2025-жылга карата авиакомпаниянын паркы төмөнкү учактардан турат:^[3]

**Avia Traffic Company**^[3]
Cүрөт	Учак түрү	Кызматта	Буюртма	F	C	Y	Баары	Эскертүүлөр
Cүрөт	Учак түрү	Кызматта	Буюртма	Жүргүнчү сыйымдуулугу				Эскертүүлөр
	Airbus A320-200	2	—	—	—	180	180
	Airbus A320-200	2	—	—	—	180	180
	Boeing 737-300	3	—	—	—	148	148
	Баары	5	—

Кырсыктар

2015-жылдын 22-ноябрында Avia Traffic Company авиакомпаниясынын 768-рейси катары катталган Boeing 737-300 учагы (каттоо номери EX-37005) Ош аэропортуна катуу конуп, 8 адам жаракат алган. Катуу соккудан улам учактын бардык конуу шаймандары үзүлүп кеткен. Учак учуу тилкесинен чыгып кеткен жана сол кыймылдаткычы да үзүлүп калган^[4].

Дагы караңыз

Кыргызстандын авиакомпанияларынын тизмеси

Булактар

1 2 3 "Биз тууралуу" (кырг.). aero.kg. Текшерилген күнү 8 Апрель 2025.
↑ "The EU Air Safety List - European Commission" (англ.). transport.ec.europa.eu. Текшерилген күнү 8 Апрель 2025.
1 2 Avia Traffic Company Fleet Details and History (англ.). planespotters.net. Текшерилген күнү 3 -июнь (кулжа) 2025.
↑ Simon Hradecky. Accident: Aviatraffic B733 at Osh on Nov 22nd 2015, hard landing collapses all gear (англ.). The Aviation Herald. Текшерилген күнү 8 Апрель 2025.

Шилтемелер

[:0-1] 1 2 3 "Биз тууралуу" (кырг.). aero.kg. Текшерилген күнү 8 Апрель 2025.

[2] "The EU Air Safety List - European Commission" (англ.). transport.ec.europa.eu. Текшерилген күнү 8 Апрель 2025.

[:1-3] 1 2 Avia Traffic Company Fleet Details and History (англ.). planespotters.net. Текшерилген күнү 3 -июнь (кулжа) 2025.

[4] Simon Hradecky. Accident: Aviatraffic B733 at Osh on Nov 22nd 2015, hard landing collapses all gear (англ.). The Aviation Herald. Текшерилген күнү 8 Апрель 2025.

[1]

[2]

[3]

[4]