Арканзас

Арканзас - АКШдагы дарыя, Миссисипинин оң куймасы. Узундугу 2410 км, алабынын аянты 416 миң км². Аскалуу тоолордон башталып, Улуу жана Борбордук түздүктөр аркылуу агат. Орточо чыгымы 1300 м³/сек (эң азы 23 м³/сек). Деңгээли Литл-Рок шаары тушта 8-10 мге чейин өзгөрүп турат, 1000 км аралыкка кеме жүрөт. Алабында ири суусактагыч бар. Сугатка пайдаланылат. Боюнда Уичито, Талса, Литл-Рок шаарлары жайгашкан.

Колдонулган адабияттар[түзөтүү | булагын түзөтүү]

“Кыргызстан” улуттук энциклопедиясы: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1