Давлесов, Насыр Давлесович

Насыр Давлесов

Давлесов Насыр Давлесович(1929-ж. т., Кемин району, Кара-Булак айылы) — дирижёр, композитор, педагог, профессор.
Кыргызстандын искусствого эмгек сиңирген ишмери (1987), Кыргызстан эл артисти (1974).
1956-жылы П.Ч.Чайковский атнындагы Москва мамлекеттик консерваториясынъш дирижёрлук факультетин бүтүргөн.
1956-жылдан Кыргыз мамлекеттик К. Орозов атнындагы эл аспаптар оркестринин дирижёру, башкы дирижёру.
1961-жылдан Кыргыз мамлекеттик академиялык опера жана балет театрынын дирижёру. 1971- жылдан Кыргыз мамлекеттик искусство институтунун ректору.
1983—85-ж. кайрадан опера жана балет театрында башкы дирижёр.
1985-жылдан КМИИнин эл аспаптар кафедрасынын башчысы. Анын чыгармачылыгына кыргыз фольклору менен болгон терең байланыш, музыкалык каражаттарынын таасындыгы жана жеткиликтүүлугү мунөздүү.
200дөн ашык ырлардын, романстардын жана хорлордун, 11 кантатанын автору. «Лета секин, колукту» музыкалык комедиясы (1979), «Элес» симфониялык поэмасы (1988), «Курманбек» операсы (1979, либереттосу Ж. Садыковдуку) жана башка чыгармалары кеңири белгилүү. Кыргыз эл аспаптар оркестри үчүн «Токтогулдун күүлөрү, «Боз жорго» сюиталарын жана башкаларды жазган. «Айнаш», «Саанчы жеңе», «Кыргыз жери», «Чолпонбай» жана башка ырлардын автору. П. Чайковскийдин «Евгений Онегин», Ж. Кердинин «Аида», М. Абдраевдин «Олжобай менен Кишимжан» операларын, К. Молчановдун «Макбет», Ж.. Пуччининин «Богема», А. Хачатуряндын «Спартак», С. Прокофьевдин «Ромео жана Жульетта», М. Раухвергердин «Чолпон» балеттерине жана башка бир катар снектаклдерге дирижёрлук кылган. Кыргызстандын жаңы гимнинин музыкасынын авторлорунун бири (1992). Кыргыз ССРинин Токтогул атнындагы мамлекеттик сыйлыгынын лауреаты (1978). «Ардак Белгиси», Эмгек Кызыл Туу ордендери жана медалдар менен сыйланган.

Колдонулган адабияттар

• Чүй облусу энциклопедия. Бишкек-1994-ж.