Моногамия (зоологияда)

Моногамия - жаныбарлардын жыныстуулар ортосундагы катышуунун формасы. Бир сезондун ичинде бир эркеги бир эле ургаачы менен жыныстык катнашуу жасайт. Адатта, М-да эркектери тукумуна кам көрүшөт. Сүт эмүүчүлөрдө М. полигамия караганда сейрек кездешет. Жыныстык диморфизм да М-да начар өөрчүгөн. М. канаттууларда кеңири таралган. Аккуулар , кунастар, бүркүттөр , жорулар бир нече жылга жупту түзөт, кээ бирде өмүр бою, каздар - бир эле сезонго. Түр ичинде М-нын полигамияга өтүшү (бобрлар) кездешет. М. курт-кумурскаларда да учурайт (коңуздар - дүмүр жечүлөр).

Колдонулган адабияттар

• Биология: Энциклопедиялык окуу куралы/Мамлекеттик тил жана энциклопедия борбору. -Б.:2004, ISBN 9967-14-002-4