Антантa: нускалардын айырмасы

Википедия дан
No edit summary
м Chaoborus moved page Aнтантa to Антантa
(Айырма жок)

14 сентябрь 2017, саат 00:11 учурдагы нуска

Aнтантa (французча Entente cordiale - «ыкластуу макулдук») - Улуу Британия, Франция жана падышалык Россиянын Германия башында турган Үчтүк союзуна (Германия, Италия, Австрия-Венгрия) жана Осмон империясына каршы багытталган союзу; 1891-93-жылы француз-орус, 1904-жылы англис-француз, 1907-жылы англис-орус макулдашууларынын негизинде бекемделген. Союзду бекемдөө үчүн Россия, Англия, Франция 1914-жылы сентябрда Лондондо сепараттык тынчтык түзбөө жөнүндөгү келишимге кол коюшкан, 1915-жылы ага Япония кошулган. Aнтантa союзу 1914-18-жылдагы 1-дүйнөлүк согуш учурунда германиялык коалицияга каршы 20дан ашуун АКШ, Англия, Бельгия, Франция, Бразилия, Япония, Гватемала, Гондурас, Грекия, Италия жана башка мамлекеттерди бириктирген. Aнтантaга жана Үчтүк союзга кирген негизги мамлекеттер дүйнөнү кайра бөлүштүрүүнүн империалисттик программасын иштеп чыгышкан. Россияда Октябрь революциясы жеңген соң, Совет бийлиги тынчтык жөнүндөгү Декретти кабыл алуу жана сепараттык Брест тынчтык келишимине кол коюу менен согуштан чыгып кеткен.

Колдонулган адабияттар

  • “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1