Өмүрбеков, Токторбек

Токторбек Наматбек уулу Өмүрбеков (Өмүрбектегин) - кыргыз тарыхчысы, профессор, тарых илимдеринин доктору. Кыргызстан тарыхчылар жамаатынын мүчөсү.

Профессор Токторбек Өмүрбеков Чехиянын ордосу Прага шаарында. 18.7.2009.

Кыскача өмүр таржымакалы

Токторбек Өмүрбеков 1955-жылы 27-мартта Кыргызстандын Нарын облусунда, тактап айтканда, Теңир-Тоонун Атбашы районундагы Карасуу кыштагында (айтылуу Кошой-Коргон шаар чалдыбары жайгашкан айылда) туулган. Аталган кыштактан орто мектепти аяктаган.

Бишкектеги Жусуп Баласагын атындагы Кыргыз улуттук университетинин тарых факультетин 1978-жылы ийгиликтүү аяктаган. КУУнун аспирантурасын сырттан окуган.

Жубайы - Жаңыл Бакасова. Эки уулу (Анварбек, Элзар), бир кызы (Асел) бар.

Жусуп Баласагын атындагы Кыргыз улуттук университетинин тарых факультетинин деканы болуп 1997-2008-жылдары иштеп келди. Азыр аталган университеттин профессору.

Илимий чыгармачылыгы

Бир катар окуу китептердин, монографиялардын, макалалардын автору. Анын илимий эмгектери кыргыз, орус, казак, кытай жана башка тилдерде жарыяланган.

19-кылымдагы кыргыздын тарыхый инсандары, 20-кылымдын башындагы улуттук боштондук кыймыл, Кыргызстандагы саны аз улуттардын коомдогу ролу жана жалпы эле Кыргызстан тарыхын орто мектептерде окутуу маселелери боюнча адис.

Шилтемелер

• Маек - [1]
  

Чыгармалары

• Чоротегин Т.К., Өмүрбеков Т.Н. Кыргызстан тарыхы: Эзелки замандан VII к. башына чейин. Орто мектептердин 6-классынын окуучулары үчүн. - Бишкек, 2002.
  
• T. Chorotegin, T.Omurbekov: Kyrgyzdardyn jana Kyrgyzstandyn tarykhy: VII k. bashy - XVIII k. ayaghy: 7-klass, Bishkek, 1998; (2-chygarylyshy; 2002. – Bishkek. 2002. – 202 bet, ill., karta. ISBN 5-655-01416-5)
  
• T.Omurbekov, T. Chorotegin: Kyrgyzdardyn jana Kyrgyzstandyn tarykhy: (XIX k. bashy - 1917-jyl): 8-klass, Bishkek, 1998; (2-chygarylyshy - 2003. – Bishkek.)
  

Пайдаланылган адабияттар

• Урстанбеков Б.У., Чороев Т.К. Кыргыз тарыхы: Кыскача энциклопедиялык сөздүк: Мектеп окуучулары үчүн. – Фрунзе: Кыргыз Совет Энциклопедиясынын Башкы Редакциясы, 1990. 113 б.

ISBN 5-89750-028-2

• Кыргыз Совет Энциклопедиясы: 6 томдук/ Башкы редактор Орузбаева Б. Ө./ - Фрунзе: Кыргыз Совет Энциклопедиясынын башкы редакциясы, 1977-1980. - Том 1-6.