Манама

	Манама
	المنامة
Өлкө	Бахрейн
Губернатор	Хумад бин Абдулла бин Хамад Аль-Халифа
Тарыхы жана Географиясы
Биринчи белгиленген	1345
Аянты	29,68
Калкы
Калкынын саны	157 474 (2010)
Жыштыгы	5304 адам/км2
Агломерациясы	329 510
Этнохроним	манамалык, манамалыктар
Сандык идентификаторлор
Убакыт аралыгы	+3
http://www.capital.gov.bh/

Манама (араб. المنامة Al-Manāmah) – Бахрейн мамлекетинин борбору. Түштүк-Батыш Азияда, Бахрейн аралынын түндүгүндө, Араб деңизиндеги Перс булуңунун жээгинде жайгашкан. Калкы 160 миң (2006; калкынын 80% ислам динин тутат). Өлкөнүн эң ири порту. Дүйнөдөгү калк эң аз жайгашкан шаар. Биздин заманга чейинки 1-кылымда арабдар тарабынан негизделген. 6-кылымда перс аскерлери тарабынан басып алынып, 7-кылымда Араб халифатынын аймагына кошулган. Бахрейн 1971-жылы көз каранды эместикке ээ болгондон Манама анын борбору. Мечит (кооздолгон минарети менен), 2 музей (анын ичинде улуттук жана Куран үйү; анда Курандын кол жазмасынын ири коллекциясы сакталып келүүдө), университет, орто жана атайын билим берүүчү мекемелери, педагогикалык окуу жайлары бар. Кустардык кол өнөрчүлүк өнүккөн. Балык кармалат. Бермет жана седеп чогултулат. Манама – Бахрейндин ири экономикалык борбору. Манамадан түштүктө нефть ажыратуу жана нефть-химиялык заводдору, алюминий (дүйнөдөгү алдынкы орундардын биринде), кеме ремонттоо, полиграфиялык өнөр жай ишканалары иштейт. Манамада Перс булуңундагы өлкөлөрдүн (Бахрейн, Катар, Ирак, Бириккен Араб Эмираттары, Кувейт, Сауд Арабиясы) маалымат агентчилигинин штаб-квартиралары жайгашкан. Манама Перс булуңундагы эркин соода кылуучу үч аймактын бири. Туризм өнүккөн.

Колдонулган адабияттар[түзөтүү | булагын түзөтүү]

“Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111 -7