Омар Си

Омар Си (англ. Omar Sy;1978-жылдын 20-январында туулган) - француз актеру жана куудулу (комедиант). Ал актер Фред Тесто менен бирге негиздеген “Омар жана Фред” (фр. Omar et Fred) деген комедиялык телешоусу жана “Кол тийбестер”(англ. The Intouchables) тасмасындагы ролу аркылуу Францияга таанылган. Дүйнөлүк деңгээлге “ X-кишилер: Өткөн келечектин күндөрү” (англ. X-Men: Days of Future Past) жана “Юра дүйнөсү” (англ. Jurassic World) тасмаларындагы ролдору менен белгилүү болгон. 2012-жылдын 24-февралында Омар Сиге “Кол тийбестер” тасмасындагы ролу үчүн “Эң мыкты актер” номинациясында Франциянын “Цезарь” улуттук кино сыйлыгы ыйгарылган. Актер Франциянын мындай абройлуу сыйлыгын алган алгачкы африка тектүү актер болуп калды.