Райан Гослиң

Википедия дан

Райан Томас Гослиң (англ. Ryan Gosling 1980-жылы 12-ноябрда туулган) - канадалык актер жана музыкант. Ал канал Диснейдин Mickey Mouse клубунунда (1993-95) бала актер катары эмгек жолун баштаган, андан кийин "Караңгыда коркосуңбу" (англ. Are You Afraid of the Dark?, 1995) "Калтырак" ( англ. Goosebumps, 1995) жана башка оюн-зоок программаларына жана телесериалдарга тартылган. Актер "Фанат" (англ. The Believer (2001) тасмасында улутчул скинхеддин ролун ойногон, андан кийин "Сандары боюнча өлтүрүү" (англ. Murder by Numbers , 2002), "Кыргын эрежеси" (The Slaughter Rule, 2002), Лиленд Кошмо Штаттары (англ. The United States of Leland, 2003) сыяктуу көз карандысыз тасмаларга тартылган.

2004-жылы кирешеси жакшы болгон "Күндөлүк" (англ. The Notebook) тасмасындагы башкы ролу менен Гослиң көрүүчүлөрдүн көңүлүн бурган. 2006-жылы тартылган "Нельсондун жарымы" (англ. Half Nelson, 2006) тасмасында баңгизаттан жабыркаган Дэн Данндын ролу үчүн "Оскар" сыйлыгына көрсөтүлгөн. "Ларс жана чыныгы кыз" (англ. Lars and the Real Girl, 2007) комедиялык драмасында жалгыздык синдрому менен ооруган Ларстын ролу үчүн "Алтын глобус" сыйлыгына талапкер болгон. Үч жылдык тыныгуудан кийин "Сүйүү каты" (англ. Blue Valentine, 2010) мелодрамасындагы ролу актерду экинчи мертебе "Алтын глобус" сыйлыгына көрсөткөн. Гослиң 2011- жылы "Сүйүү оюн эмес" (англ. Crazy, Stupid, Love), "Марттын ортосу" (англ. The Ides of March) тасмасына тартылса, жана "Айдоочу" (англ. Drive) тасмаларында роль жаратып, эки жолу дагы "Алтын глобус" сыйлыгына татыктуу болгон. Гослиңдин режиссердук дебюту "Соолгон дарыя" ( Lost River) киносынчылардын купулуна толгон эмес. Актерго "Чоң кыскартуу (тасма)" (англ. The Big Short, 2015) тасмасы ийгилик алып келген. "Ла-Ла Ленд" (англ. La La Land, 2016) мюзиклиндеги ролу дагы мактоолорго арзыган. Ушул ролу үчүн "Алтын глобус" сыйлыгын алган жана актер экинчи жолу "Оскар" сыйлыгына көрсөтүлгөн.

Райан Гослиң "Dead Man's Bones" музыкалык тобунда иштейт, ыр альбомун чыгарып, Түндүк Америка боюнча 2009-жылы гастролдо болушкан Актер Калифорния штатындагы Беверли Хиллзде марокко тамактарын жасаган "Tagine" ресторанынын кожоюну. Р. Гослиң айбанаттарга гумандуу мамиле жасоого үндөгөн PETA уюмуна колдоо көрсөтүп келген. Ошондой эле майып балдардын укугу боюнча долбоорлордун катышуучусу, Чад, Уганда, Конго мамлекеттерине саякаттап, уруш-жаңжалдарды алдын алуу боюнча иштерди жүргүзүп турган.

Өмүр таржымалы[түзөтүү | булагын түзөтүү]

Жеке жашоосу[түзөтүү | булагын түзөтүү]

Тартылган тасмалары[түзөтүү | булагын түзөтүү]

Шилтемелер[түзөтүү | булагын түзөтүү]