Ричард Бэрд

Википедия дан

Бэрд, Ричард (25. 10. 1888- 12. 3. 1957) - америкалык полярдык изилдөөчү, учкуч, адмирал. Америкалык антарктикалык ири төрт экспедицияга жетекчилик кылган.

Биринчи жолу (1928-30) Бэрд Антарктиканын ички, алыскы райондоруна чейин жеткен. 1929-ж. ноябрда Түштүк уюлдун үстүнөн учуп өткөн. Экинчи экспедиция (1933-35) убагында, сейсмикалык изилдөөлөр жүргүзүлүп, Батыш Антарктидада таш көмүрдүн ири кени бар экендиги ырасталган. Үчүнчү экспедиция (1939-41) негизинен Антарктиданын айрым бөлүктөрүнө АКШнын суверенитетин бекитүүгө багытталган. Төртүнчү экспедиция (1946- 47) АКШнын аскер-деңиз башкармасы тарабынан уюшулуп, Батыш Антарктиданын жээк бөлүктөрүнө жана ички райондорунда аэрофотосъемка жасалган.

Экспедициялардын учурунда географиялык, метеорол., геологиялык ж. б. байкоолор жүргүзүлгөн; Рокфеллер платосу, Амундсен муздугу, Уолгрин жээги, Флетчер аралы, Мэри Бэрд жери ж. б. ачылган. Америкалык антарктика илимий станциясы Бэрд ысымы менен аталган.

Колдонулган адабияттар[түзөтүү | булагын түзөтүү]

Кыргыз Совет Энциклопедиясы. Башкы редактор А. Табалдиев. -Фрунзе: Кыргыз Совет Энциклопедиясынын башкы редакциясы, 1976. Том 1. А - Бюулук -608 б.