Сэм Нилл

Нигел Жон Дермот Нилл (англ. Sam Neill;1947-жылы 14-сентябрда туулган) — Сэм Нилл деген ысым менен белгилүү болгон Түндүк Ирландияда жарык дүйнөгө келген Жаңы Зеландия тектүү актер. Ал "Омен III: Акыркы жаңжал" (англ. Omen III: The Final Conflict), "Мемиреген өлүк" (англ. Dead Calm) тасмасында жана "Рейлли: Тыңчылардын серепчиси" (англ. Reilly, Ace of Spies) сыяктуу киносериалда биринчилерден болуп башкы каармандын ролун аткарган. Ал 1993-жылдагы "Пианино" (англ. The Piano) жана "Юра паркы" (англ. Jurassic Park) тасмаларында тартылуу менен эл аралык деңгээлде таанымал болгон. Ал 2001-жылы "Юра паркы III" (англ. Jurassic Park III) тасмасында эски ролун кайра жанданткан. Нилл "Мерлин" (англ. Merlin), "Кызыл октябрга аңчылык" (англ. The Hunt for Red October), "Өткүр калканчтар" (англ. Peaky Blinders) жана "Түдорлор" (англ. The Tudors) тасмаларында да белгилүү ролдорду аткарган. 2016-жылы ал Жулиан Деннисон менен биргеликте "Жапайы адамдар" тасмасына тартылып, зор ийгиликтерге жетишкен. Ал Жаңы Зеландия менен Британиянын жарандыгына ээ, бирок өзүн негизинен жаңызеландиялык деп эсептейт.