Андарбеков Жээнбек

Андарбеков Жээнбек (7. 11. 1952-ж. туулган, Жайыл району, Ак-Башат кыштагы) - техника илимдеринин кандидаты (1986), доцент, 1971-73-жылдары Советтик Армиянын катарында кызмат өтөгөн.

• 1973-ж. К. И. Скрябин атындагы айыл чарба институтунун даярдоо курсун жана айыл чарба өндүрүшүн механизациялоо факультетин артыкчылык диплому менен бүтүргөн (1979).
• Ал 1976-ж. Москва шаарында өткөн Бүткүл союздук физика боюнча олимпиадага катышып, лауреат болгон.
• 1979-ж. ушул эле окуу жайда мал чарбасын механизациялоо кафедрасында ассистент, 1980-83-жылдары Россиядагы Ставрополь айыл чарба институтунда аспирант.
• 1985-86-жылдары Кыргыз айыл чарба институтунда айыл чарбасын механизациялоо факультетинде декан,
• 1986-ж. Москвадагы Грячкина атындагы айыл чарба ин-женерлер институтунда кандидаттык диссертациясын жактаган.
• 1986-88-жылдары айыл чарба институтунда жаш окумуштуулар коомунун төрагасы, 1989-95-жылдары кафедра башчысы, 1996-98-жылдары декан болуп эмгектенген.
• 1999-жылдан кайрадан ушул эле институтта кафедры башчысы болуп иштейт.
• Москва, Киев, Ленинград шаарларындагы айыл чарба институттарынан квалификациясын жогорулатуу курстарынан өтүп келген.
• Ал 45 илимий макаланын, 12 методикалык көрсөтмөнүн, 2 окуу куралдын жана 1 ойлоп табуунун автору.
• Жолуке уруусунан.

Колдонулган адабияттар

Суусамыр: Энциклопедия /Башкы ред. Ү. Асанов. - Б.: Энцик. борбору, 2010. - 312 б., илл. ISBN 978-9967-14-076-9