Буйлаш хан

Буйлаш хан, Буйдашхан (16-кылым) – казак хандарынын бири (1533–38). Жаныбек хандын небереси. Маалыматтарга караганда 16-кылымдын 30-жылдары Казакстандын батышын Ахмет хан, борборун Тогум хан жана Жети-Суу аймагын (даректерде Моголстан деп аталат) Такыр хан башкарган. Такыр хан көз жумган соң (1533), Буйлаш бийликке келген. Анын 20–30 миңдей аскери болуп, бийлиги кыргыздарга да тараган. «Тарих-и Рашидиде» Буйлаш хан 1533–34-ж. дүйнөдөн кайткан деп айтылса, айрым маалыматтарда Дербиш султан менен болгон согушта өлгөн деп да айтылып жүрөт.

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4