Жасалма радиоактивдүүлүк

Жасалма радиоактивдүүлүк – туруктуу (стабилдүү) ядронун ядролук реакциянын натыйжасында реактивдүү ядрого айлануу кубулушу. Мисалы, ₁₁Na²³ изотобу нейтрон (n¹) менен реакцияга кирет: _оn¹+₁₁Na²³→₁₁Na²⁴. _nNa²⁴β – радиоактивдүү изотобу пайда болот. Бул изотоп терс β-бөлүкчөсүн чыгарып магнийдин ₁₂Mg²⁴ стабилдүү изотобуна айланат: ₁₁Na²⁴→₁e°+₁₂Mg²⁴. Ушундай эле ядролук реакцияларды α-бөлүкчөлөрү жана протондор менен жүргүзүүгө болот. Алынган жасалма радиоактивдүү ядролор α, β, γ радиоактивдүүлүктөргө ээ болот. Жасалма радиоактивдүүлүктүн закон ченемдүүлүктөрү табигый радиоактивдүүлүк закондору менен дал келет. Жасалма радиоактивдүүлүктү 1934-жылы И. Жолио-Кюри жана Ф. Жолио-Кюри ачкан.

Колдонулган адабияттар

• “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074 -5