Интерпедиа

Wikipedia дан

Интерпедиа - деп биринчи жолу Интернет Энциклопедиясын аташкан. Ал жерде ар кимдин макала жазып, интерпедианын бардык барактарынын борбордук каталогуна кошууга мүмкүнчүлүгү бар болчу. Интерпедиа - Рик Гейтстин (Rick Gates) демилгеси болгон. Ал 1993-жылдын 25-октябрында PACS-L Listserv Коомдук Компьютердик Системалар Форумунда “Интернет Энциклопедиа” аттуу билдирүү калтырган."Интерпедиа" терминин бул теманын мурунку талкууларынын катышуучусу Р. Л. Самуэль ойлоп тапкан. 1993-жылдын ноябрында талкуу электрондук почта аркылуу жүргөн, кийинчерээк Usenet-те comp.infosystems.interpedia жаңылыктар тобу ачылган. Барактар кандай форматта болушу керек тууралуу да келиспештиктер болду - HTML, plain text же бардык форматтарга уруксат берилиши. Талкуунун башка бөлүгү - интерпедиа үчүн жазылбаган интернеттен сырткаркы ресурстар каталогго кошуу менен анын бөлүгү болуп калабы деген суроо болгон. Андан тышкары, бир нече көз каранды эмес "Seal-of-approval" (SOAP) агентстволор да эске алынган. Алар Интерпедиа макалаларды өздөрү каалаган критерияларынын негизинде баалайт; колдонуучулар кайсы агентствонун кеңешине кулак салышын таңдай алышчу. Бул долбоор активдүү талкууда жарым жылдай жүрдү, бирок пландоо баскычынан чыкпай жок болду, мүмкүн анын себеби Дүйнөлүк Желенин жигердүү өсүшү болду.

Шилтемелер[оңдоо | булагын оңдоо]